APM ၊ စပ်တမ်ဘာ ၂၆ / ၂၀၂၃
ရသေ့တောင်မြို့နယ်၊ ဒုံးပိုက်ကျေးရွာက သက်တော်ရှည် ဆရာတော်ဘုရားကြီး အသျှင် ဘဒ္ဒန္တဝနစွာ ဒေနိ (စပ်တမ်ဘာ ၂၆ ရက်နိ) မိုးထသားမာ ဘဝနတ်ထံ ပျံလွန်တော်မူလားရေလို့သိရပါရေ။
ဆရာတော်ဘုရားကြီး ပျံလွန်တော်မူချိန်မာ သက်တော် ၁၀၄ နှစ်၊ ဝါတော် ၈၄ ဝါဟိရေလို့ သိရပါရေ။
ဒုံးပိုက်ဆရာတော်ဘုရားကြီးစွာ ဒေနိအာရုံတက်ချိန် ၄ နာရီ ၄၅ မိနစ်လောက်က သူသီတင်းသုံးနီရေ ဒုံးပိုက်ရွာကျောင်းတိုက်မာ ပျံလွန်တော်မူလားစွာဖြစ်ပါရေ။
ဖခမည်းတော် ဦးပေါ်လှဦးနန့် မယ်တော် ဒေါ်ဝင်းသာဖြူရို့၏သားဖြစ်တေ ဆရာတော်ကြီးစွာ ဒုံး ပိုက်ရွာဇာတိဖြစ်ပြီးကေငယ်နာမည် မောင်ဘလှိုင် ဖြစ်ပါရေ။
ဆရာတော်ကြီးရေ ဝါတော် ၈၄ ဝါပတ်လုံး ဒုံးပိုက်ရွာ မာ သီတင်းသုံးနီထိုင်တော်မူခပါရေ။
လက်ဟိ ဆရာတော်ကြီး၏ ကြွင်းကျန်ရစ်ရေ ရုပ်ကလပ်တော်ကို သင်္ဂြိုလ်ဖို့ကိစ္စ ရပ်သူ/ရွာသားရို့ ဆွေးနွေးနီကတ်တေလို့သိဟိရပါရေ။
Please follow and like us:
