APM၊ ဂျူလိုင် ၂၆ / ၂၀၂၃
ထိုင်းနိုင်ငံ၊ ဘန်ကောက်မြို့တွင် ဂျူလိုင် ၂၂ ရက်နိမှ ၂၄ ရက်နိအထိ ကျင်းပပြုလုပ်သည့် Arsec- Asia Inline Speed Skating Challenge 2023 ပြိုင်ပွဲတွင် မြန်မာအသင်းမှ ရွှီတံဆိပ် ၂ ခုနန့် ငွေတံဆိပ် ၂ ခု စုစုပေါင်း ၄ ခု ရဟိ လားကြောင်းသိရသည်။
ဖီးနစ်ကလပ်ဖက်မှ မြန်မာစကိတ်သမား အောင်ကျော်ဇင် သည် မီတာ ၅၀၀ စကိတ်စီးပြိုင်ပွဲတွင် ရွှီတံဆိပ် တခု နန့် မီတာ ၁၀၀၀ စကိတ်စီးပြိုင်ပွဲတွင် ငွေတံဆိပ်တခုရဟိခသည့်အပြင် တွံတေးစကိတ်ကလပ်မှ ခင်လှိုင် သည် မီတာ ၁၀၀၀ စကိတ်စီးပြိုင်ပွဲတွင် ရွှီတံဆိပ်တခုနန့် မီတာ ၅၀၀ စကိတ်စီး ပြိုင်ပွဲတွင် ငွေတံဆိပ် တခု ရဟိခခြင်းဖြစ်သည်။
အဆိုပါပြိုင်ပွဲကို အာသျှ အယင်စကိတ်စီးနည်းပညာအဖွဲ့မှ ကြီးမှူးကျင်းပပြီး ထိုင်း၊ အိန္ဒိယ၊ အင်ဒိုနီသျှား၊ မလေးသျှား၊ ကမ္ဘောဒီးယား နန့် မြန်မာရို့က ဝင်ရောက်ယှဉ်ပြိုင်ခကြောင်းသိရသည်။
Source Myanmar claim 2 golds, 2 silvers in Arsec- Asia Inline Speed Skating Challenge 2023
Photo Global New Light Of Myanmar
