APM၊ အောက်တိုဘာ ၂၆/၂၀၂၃
ဘူးသီးတောင်မြို့ အမှတ် (၆)မြို့သစ်ရပ်ကွက်မာ အောက်တိုဘာ ၂၅ ရက်နိနိခင်းက မီးလောင်မှု ဖြစ်လို့ ဆိုင်ခန်းတခန်းမီးလောင်ပြာကျလားရေလို့ သိရပါရေ။
မီးလောင်လားရေ ဆိုင်ခန်းမာ ဘူးသီးတောင်မြို့ အမှတ်(၆)မြို့သစ်ရပ်ကွက်က ဦးစိုးနိုင်အောင်၏ စားသောက်ကုန်ဆိုင်ဖြစ်ပါရေ။
ဖြစ်စဉ်မာ အောက်တိုဘာ ၂၅ ရက်နိနိခင်း ၁ နာရီလောက် ဦးစိုးနိုင်အောင်၏ ဆိုင်ခန်းမာ တပ်ဆင်ထားရေလျှပ်စစ်ဝါရာကြိုးချော့ဖြစ်စွာကနီ မီးစလောင်လားစွာလို့ ဆိုပါရေ။
မီးလောင်မှုကြောင့် ဆိုင်ခန်းတခုလုံးပြာကျလားရေပိုင် ဆိုင်ခန်းထဲက စားသောက်ကုန်ပစ္စည်းတိအားလုံးလည်း မီးလောင်ပြာကျလားရေလို့ သိရပါရေ။
မီးလောင်မှုကိုတော့ အနားပတ်ဝန်းကျင် ရပ်ကွက်သူ ရပ်ကွက်သားဝိုင်းဝန် ကူညီသတ်ခလို့ နိခင်း ၂ နာရီလောက်မာ မီးငြိမ်း သတ်နိုင်ခပါရေ။
လက်ဟိမာ မီးလောင်မှုနန့် ပတ်သက်လို့ သက်ဆိုင်ရာ တာဝန်ဟိသူတိက အရေးယူဆောင်ရွက်နီကြောင်း သိရပါရေ။
