APM ၊ ဂျန်နဝါရီ ၂၆ / ၂၀၂၃
ဒေနိမိုးထ ကဇတ်ခသည့် ဘာစီလိုနာအသင်းနန့် ဆိုစီဒက်အသင်း၏ ကိုပါဒယ်ရေး ဖလား ကွာတားဖိုင်နယ် ပွဲစဥ်မှာ လူငယ်တိုက်စစ်မှူး ဒမ်ဘီလီ၏ သွင်းဂိုးဖြင့် ဘာစီလိုနာအသင်းဆီမီးဖိုင်နယ် သို့တက်ရောက်ခကြောင်း သိရသည်။
ဆိုစီဒက်အသင်းသည် ပြိုင်ပွဲအရပ်ရပ်၌ ဆက်တိုက်အနိုင်ရထားပြီး ခြီစွမ်းပြနီခကေလေ့ ဒေနိပွဲစဉ်တွင် ကွင်းလယ်လူ
မန်ဒက်ဇ် ၃၉ မိနစ်မှာ တိုက်ရိုက်အနီကတ်ဖြင့် ထုတ်ပယ်ခံခရကာ နိုင်ပွဲဆက်စံချိန်ကို ရပ်တန့်ခရသည်။
ဘာစီလိုနာအနီနန့် နူးကမ့်ကွင်းတွင် ပွဲအများစုကို အသာစီးနန့်ကဇတ်နိုင်ခကေလေ့ ဒေနိပွဲမှာတော ပွဲချိန် ၅၂ မိနစ်တွင်မှ
စပိန်လက်ရွီးစင် ဒမ်ဘီလီ၏ တန်ပြန်တိုက်စစ်တဂိုးနန့်ရာ အနိုင်ရဟိခသည်။
ဆိုစီဒက်အသင်းသည် ဒေရာသီပြိုင်ပွဲစုံ ၂၈ ပွဲမှာ ၂၁ ပွဲအထိ အနိုင်ရထားပြီး လာလီဂါအမှတ်ပီး အဆင့် (၃) မှာ ရပ်တည်နီကာ ဇယားထိပ်တွင်ဟိသည့် ဘာစီလိုနာနန့် ၆ မှတ် ကွာဟနီသည်။
ဒေနိညည့်မှာ ကိုပါဒယ်ရေး ကွာတားဖိုင်နယ်ပွဲစဥ် ၂ ပွဲအဖြစ် ရီးရဲလ်မက်ဒရစ်အသင်းနန့် အက်သလက်တီကို မက်ဒရစ်အသင်း၊ ဗလင်စီယာအသင်းနန့် အက်သလက်တစ်ဘီဘာအိုအသင်းများ ယှဥ်ပြိုင်ကဇတ်ရန် ဟိသည်။
Source – Soccer-Dembele strike sends Barcelona into Cup semi-finals
Photo – The Hindu
