(စပ်တမ်ဘာ ၁၈ ရက်နိမှ ၂၄ရက်နိအထိ)
၁။ ၂၀-၉-၂၀၂၃ (ဗုဒ္ဓဟူး)
စပ်တမ်ဘာ ၁၈ ရက်နိ မြန်မာစစ်တပ်ဖမ်းယူလားခရေ မာန်အောင်မြို့က မေဃသစ္စာဖုန်းဆိုင်ပိုင်သျှင် အသက် ၅၀ ကျော်အရွယ် ဦးစည်သူစွာ ရာဇသတ်ကြီး ဥပဒေပုဒ်မ ၅၀၅(က) နန့် အမှုဖွင့်ခံထားရပါရေ။
၂။ ၂၂-၉-၂၀၂၃(သောကြာ)
(၁) စပ်တမ်ဘာ ၂၁ ရက်နိ ညဇာက တောင်ကုတ်မြို့နယ်၊ မိုးထိ တိုက်နယ်၊ ကြိုးကြာရွာက ဦးမောင်စံဝေ(၄၄နှစ်)ကို ဒု-ရဲအုပ် လင်းကိုကိုနိုင်ဦးဆောင်ရေ ရဲတပ်ဖွဲ့ဝင် ၆ ယောက်က ဖမ်းယူလားခပါရေ။
(၂) မြောက်ဦးမြို့၊ ကျောက်ရာဇ်ကေ လမ်းနားမှာ စပ်တမ်ဘာ ၂၂ ရက်နိညဇာ ၇ နာရီ ၁၀ မိနစ်လောက်က စစ်ကောင်စီရဲကား တိုက်လို့ မြောက်ဦးမြိုနယ်၊ ဘာညိုရွာက Grade -12 ကျောင်းသူ မလှမြင့်စိုး(၁၈ နှစ်) ပြင်းပြင်းထန်ထန် ဒဏ်ရာရလားပါရေ။
၃။ ၂၄-၉-၂၀၂၃ (တလင်းဂနီ)
တိုင်းပြည်မတည်ငြိမ်မှုကိုအခွင့်ကောင်းယူပနာ စစ်ကောင်စီ၏ လဝကဝန်ထမ်းတိနန့် နယ်ခြားစောင့်ရဲတပ်ဖွဲ့ဝင်တိစွာ သရက်အုပ်ချောင်းဝစခန်း၊ မင်္ဂလာကြီး ချောင်းဝစခန်း၊မောင်နီရဲကင်းစခန်း၊ မကျည်းချောင်းကင်းစခန်း၊ ငါးခူရစခန်း၊ ရီတွင်းပြင် ကင်းစခန်း အပါအဝင် မောင်တောနယ်ခြားစောင့်စခန်းတိကနီပနာ မူဆလင်တယောက်ကို ငွေ ၆ သိန်းကနီ ၁၀ သိန်းအထိ ယူဆောင်ကာ ရက္ခိုင် ပြည်အတွင်းသို့ နီတိုင်းဆိုပိုင် တရားမဝင် သွင်းပီနီပါရေ။
