APM ၊ စပ်တမ်ဘာ ၂၅ / ၂၀၂၃
ချဲလ်ဆီးအသင်းစွာ စပ်တမ်ဘာ ၂၄ ရက်နိက အက်စတွန်ဗီလာကို အိမ်ကွင်းမှာ ၁ ဂိုး၊ ဂိုးမဟိ နန့် ယှုံးနိမ့်ခပြီးနောက် ၁၉၉၄ ခုနှစ်နောက်ပိုင်း အဆိုးရွားဆုံး ဂိုးမိုးခေါင်မှု နန့် ရင်ဆိုင်နီရကြောင်း သိရပါရေ။
အသင်းတမိုင်းတလျှောက် နှစ်ပေါင်း ၄၀ ကျော်အတွင်း အဆိုးဝါးဆုံး ရာသီကိုစတင်ခရရေ ချဲလ်ဆီးစွာ ၁၉၉၄ ခုနှစ်မာ ဂိုးမသွင်းနိုင်ရေပွဲ ၁၄ ပွဲအထိဟိခပြီး ဒေဂု ၂၀၂၃ ခုနှစ်မာလည်း ဂိုးမသွင်းနိုင်ရေပွဲ ၁၃ ပွဲအထိဟိလာပနာ အဆိုးရွားဆုံး တိုက်စစ်စွမ်းဆောင်ရည် နန့် ရင်ဆိုင်နီစွာဖြစ်ပါရေ။
ဒေဂုရာသီအတွင်း ကဇတ်လာရေ လိဂ်ပွဲပေါင်း ၂၉ ပွဲမာ ၁၃ ပွဲအထိယှုံးနိမ့်ခပြီးကေ ယင်း ၁၃ ပွဲမာ အိမ်ကွင်းပွဲစဉ် ၈ ပွဲအထိပါဝင်ခလို့ ပရိသတ်တချို့၏ အော်ဟစ်သရော်မှုတိနန့်လည်း ကြုံတွိနီရပါရေ။
ပြီးခရေ ၁၈ လက အသင်းကိုဝယ်ယူချိန် ကဇတ်သမားသစ်ခေါ်ယူမှုအတွက် ပေါင် ၁ ဘီလီယံလောက် အသုံးပြုခရေ ချဲလ်ဆီးစွာ ၂၀၂၂/၂၀၂၃ ရာသီမာ နည်းပြသောမတ်တူချယ်၊ ဂရေဟမ်ပေါ်တာ နန့် လမ်းပတ်ရို့ကို အသီးသီး ထုတ်ပယ်ခပြီးနောက် ဒေဂုရာသီမစခင် နည်းပြပိုချက်တီနိုကို ခန့်အပ်ထားခစွာဖြစ်ပါရေ။
၂၀၂၁ ဥရောပချန်ပီယံ ချဲလ်ဆီးအသင်းစွာ ဒေဂုရာသီ ပရီးမီးယားလိဂ် ၆ ပွဲမာ ၃ ပွဲယှုံး၊ ၂ ပွဲ သရေ၊ ၁ ပွဲနိုင်ရလဒ် နန့် အဆင့် (၁၄) နီရာမာရပ်တည်နီပြီးကေ လာဖို့ အောက်တိုဘာ ၂ ရက်နိ ဖူလ်ဟမ်အိမ်ကွင်းသို့ လားရောက်ကဇတ်ရဖို့ ဖြစ်ပါရေ။
Source- Chelsea still trying to end chronic goal drought
Photo- The Sun
