APM၊ သြဂတ်စ် ၂၅/၂၀၂၃
မြောက်ဦးမြို့၊ထမ္မရာဇ် စစ်ဖီးယှောင်စခန်းတွင် လက်ဟိ၌ ခြင်ထောင်နန့် စားနပ်ရိက္ခာ အကူညီများလိုအပ်လျက်ဟိကြောင်း သိရသည်။
အဆိုပါ စစ်ဖီးယှောင်စခန်းတွင် ပတ်ဝန်းကျင်မသန့်ယှင်းခြင်းကြောင့် ခြင်ပေါက်ဖွားမှုများပြားခြင်း၊ ဟိနီသည့် ခြင်ထောင်များဟောင်းနွမ်းပျက်စီးခြင်းများကြောင့် ခြင်ထောင်များအရေးတကြီးလိုအပ်နီကြောင်း စစ်ဖီးယှောင်များ ပြောသည်။
ယင်းအပြင် စစ်ဖီးယှောင်အများစုသည် မြို့ပေါ်တွင် နိစားအလုပ်လုပ်၍ စားဝတ်နီရီး ဖြေယှင်းနီကတ်ရသူများဖြစ်ပြီး မုန်တိုင်းတိုက်ပြီးချိန်မှစ၍ နီစရာအဆောင်ကိုရာ ပြုပျင်နီကတ်ရကာ စားသောက်ရီးအခက်ကြုံနီကတ်ရသည်ဟုဆိုသည်။
ယင်းစစ်ဖီးယှောင်စခန်း၌ မသန်စွမ်းလူများနန့် ရာသီတုပ်ကွေးဖြစ်ပွားနီလူများလည်းဟိပြီး ကျန်းမာရီး စောင့်ယှောက်မှုများလိုအပ်နီသည်။
ထမ္မရာဇ် စစ်ဖီးယှောင်စခန်းတွင် အိမ်ထောင်စု ၂၈ စု နန့် လူဦးရေ ၁၂၅ ယောက်ခိုလှုံလျက်ဟိသည်။
