APM ၊ ဂျူလိုင် ၂၅ / ၂၀၂၃
ဂျပန်အမျိုးသမီးအသင်း တိုက်စစ်မှူး တာနာကာက ဂျူလိုင် ၂၆ ရက်နိကဇတ်မည့် ကော်စတာရီကာ နန့် ပွဲတွင်လေ့ ဇမ်ဘီယာကို ၅ ဂိုးပြတ် နန့် အနိုင်ရဟိခသည့် ပွဲစဉ်ထက် အသင်း၏ စွမ်းဆောင်ရည်ကိုမြှင့်တင်ကာ ကဇတ်လားမည်ဟု ဒေနိ(ဂျူလိုင် ၂၅ ရက်နိ) တွင် ပြောကြားလိုက်သည်။
ဇမ်ဘီယာ နန့် ပွဲတွင် ၁ ဂိုးသွင်းယူခသည့် တာနာကာ က “ ပထမပွဲက ခက်ခဲကေလေ့ အကျွန်ရို့ အသင်းလိုက်စွမ်းဆောင်မှု နန့် ဂိုးပြတ်နိုင်ခပါရေ။ ကော်စတာရီကာ နန့် ဒုတိယပွဲမှာလေ့ စွမ်းဆောင်ရည်မြှင့်ပနာ ပိုကောင်းအောင် ကဇတ်နိုင်ဖို့ ယုံကြည်ပါရေ။ ပန်းတိုင်ကိုအရာက်လှမ်းနိုင်ဖို့ အသင်းလိုက် ကြိုးစားလားပါဖို့” ဟု ဆိုသည်။
ဂျပန်အမျိုးသမီးလက်ရွီးစင်အသင်းသည် ကမ္ဘာ့ဖလားသမိုင်းတလျှာက် (၉) ကြိမ်အထိ ဝင်ရောက်ယှဥ်ပြိုင်ထားပြီး ၂၀၁၁ ခုနှစ်တွင် ကမ္ဘာ့ဖလားချန်ပီယံဆုအား ဆွတ်ခူးနိုင်ခသည့်အပြင် ၂၀၁၅ ခုနှစ်တွင် ဒုတိယဆုနန့် ၂၀၁၉ ခုနှစ်မှာတော့ ၁၆ သင်းအဆင့်မှ ထွက်ခွာခရသည်။
ဒေဂုနှစ် ကမ္ဘာ့ဖလားပြိုင်ပွဲမှာတော့ အုပ်စု (C ) တွင် ဇမ်ဘီယာ၊ ကော်စတာရီကာ၊ စပိန် ရို့ဖြင့် တအုပ်စုတည်းကျနီပြီး အုပ်စုဂိုးသွင်းအများဆုံး နန့် နိုင်ပွဲ၊ ၁ ပွဲ ရဟိထားသည်။
Source- Japanese forward Tanaka said they will improve their performance against Costa Rica/Reuters
Photo- The Japan Times
