APM ၊ ဧပြီ ၂၅ / ၂၀၂၃
အင်တာမီလန်နန့် ဂျူဗင်တပ်စ်ရို့ ယှဥ်ပြိုင်ခသည့် ကိုပါအီတလီယာဖလားဆီမီးဖိုင်နယ်ပထမအကျော့ပွဲစဥ်တွင် တိုက်စစ်မှူး လူကာကူအပေါ် လူမျိုးရီးခွဲခြားဆက်ဆံမှုပြုလုပ်ခသည့် ဂျူဗင်တပ်စ်ပရိသတ် ၁၇၁ ယောက်ကို အီတလီဘောလုံးအဖွဲ့ချုပ် (FIGC) က ကွင်းဝင်ခွင့်ပိတ်ပင်လိုက်ကြောင်းသိရသည်။
လူကာကူသည် အဆိုပါပွဲစဥ်၌၅၉ မိနစ်တွင် ပင်နယ်တီမှဂိုးသွင်းယူခရာ ဂျူဗင်တပ်စ်ပရိသတ်များရှိတွင်ရန်စ၍ အောင်ပွဲခံခသည့်အတွက် ဂျူဗင်တပ်စ်ပရိသတ်များမှ “မျောက်” ဟု သံပြိုင်အော်ကာ လူမျိုးရီးခွဲခြားဆက်ဆံခ ကတ်သည်။
ယင်းပိုင်ဆက်ဆံမှုအပေါ် ရုပ်သံပြကွက်များမှနီတဆင့် စစ်ဆီးခပြီးနောက် ဂျူဗင်တပ်စ်ပရိသတ် ၁၇၁ ယောက်ကို အရေးယူခခြင်းဖြစ်ပြီး၊ လူကာကူကိုလေ့ ၂ ဝါ ၁ နီ နန့် ထုတ်ပယ်ခကြောင်းသိရသည်။
လူကာကူထုတ်ပယ်ခံရမှုနန့် ပတ်သက် ၍ အင်တာမီလန်အသင်းက အယူခံဝင်ရာ အီတလီ အားကဇတ်ခုံရုံးမှ ၎င်းတားမြစ်ချက်အား ပယ်ချသည့်အပြင် FIGC ဥက္ကဋ္ဌ ဂရာဗီနာကပါ စီရင်ချက်ကို ပယ်ချခသည်။
ယင်းကြောင့် ပွဲပယ်ပြစ်ဒဏ်က လွတ်မြောက်ခသည့် လူကာကူသည် ဧပြီ ၂၆ ရက်နိ ဂျူဗင်တပ်စ်အသင်းနန့် ကဇတ်မည့် ကိုပါအီတလီအကြို ဗိုလ် လုပွဲ ဒုတိယအကျော့တွင် ပါဝင်လာမည်ဟု သိဟိရသည်။
Source – 171 Juventus fans who racially abused Lukaku were banned from the stadium.
Photo – 90 min
