APM ၊ ဧပြီ ၂၅ / ၂၀၂၃
ဧပြီ ၂၄ ရက်နိညည့်က ယှဥ်ပြိင်ကဇတ်ခသည့် ၂၀၂၄ အာသျှအမျိုးသမီး ယူ-၁၇ ပြိုင်ပွဲ ပထမအဆင့်ခြီစစ်ပွဲတွင် မြန်မာ အမျိုးသမီး ယူ-၁၇ အသင်းက အိမ်သျှင် ကာဂျစ္စတန်အသင်းကို ၁-၀ ဂိုးမဟိနန့်အနိုင်ရဟိလားကြောင်း သိရသည်။
ကာဂျစ္စတန်နိုင်ငံ၊ ဘစ်ရှ်ကတ်မြို့၌ကဇတ်သည့် အဆိုပါပွဲစဥ်တွင် မြန်မာအသင်းအတွက် ဦးဆောင်ဂိုးကို တိုက်စစ် မှူး ယုယနိုင်က ပွဲချိန် ၄ မိနစ်ကပင်သွင်းယူပီးခသည်။
ယင်းနောက် ဒုတိယပိုင်းပွဲပြီးခါနီးတွင် မြန်မာ ယူ-၁၇ အသင်းက ပင်နယ်တီတလုံးထပ်မံ ရဟိခပြီး ကွင်းလယ် ကဇတ်သမား ကေသွယ်ဖြိုးဦး ကျောက်သွင်းရာ၌ လွဲချော်ခကြောင်းသိရသည်။
ပွဲအပြီးတွင် နည်းပြဖြစ်သူ ဦးသန်းဝေက ” အိမ်သျှင် ကာဂျစ္စတန်ကို အနိုင်ယူနိုင်ခလို့ ကျေနပ်မိပါရေ။ နောက် ထပ်ပွဲအဖြစ် အိန္ဒိနန့်ကဇတ်ဖို့မတွက် အသေချာပြင်ဆင်လားပါဖို့။ ဧပြီ ၂၆ ရက်နိကဇတ်ဖို့ ကာဂျစ္စတန်နန့် အိန္ဒိရို့ ကိုလေ့ ကွင်းထဲသို့ လာရောက် ကြည့်ရှုဖို့ဟိပါရေ”ဟု ပြောကြားခသည်။
မြန်မာလက်ရွီးစင် အမျိုးသမီး ယူ-၁၇ အသင်းသည် ဧပြီ ၂၈ ရက်နိညည့် ၈ နာရီခွဲတွင် အိန္ဒိယအသင်းနှင့် ဆက်လက် ယှဉ်ပြိုင်ကဇတ်ရမည်ဖြစ်သည်။
Source – Myanmar U-17 team beat Kyrgyzstan in 2024 Asian Women’s Championship
Photo – MFF
