APM၊ မာ့ချ် ၂၅ / ၂၀၂၄
မာ့ချ် ၂၄ရက်နိ နန့် ဒေနိ ၂၅ရက်နိတိမာ အကြမ်းဖက်စစ်ကောင်စီစွာ အမ်းမြို့နယ်၊ ပြောင်သေရွာနန့် အနီးအနား ရပ်ရွာတိကို Mi 35 တိုက်ခိုက်ရီးရဟတ်ယာဉ် နှစ်စီးနန့် လာရောက်ပစ်ခတ်ခကြောင်း သိရပါရေ။
အကြမ်းဖက်စစ်ကောင်စီ၏ တောင်ကုတ်အခြီစိုက်၊ စကခ (၅) လက်အောက်ခံ ခမရ( ၃၄၆) တပ်ရင်းက အင်အား ၁၇၀ လောက်စွာ အမ်းမြို့နယ်၊ ပြောင်သေရွာနားဟိ နတ်တောင်သို့ အင်အားဖြည့်တင်းဖို့စစ်ကြောင်းထိုးလာရေခါ အနီးအနားရပ်ရွာတိကို Mi 35 တိုက်ခိုက်ရီး ရဟတ်ယာဉ် ၂ စီးနန့် ပစ်ခတ်ပီးနီခရေလို့ ဆိုပါရေ။
အကြမ်းဖက်စစ်ကောင်စီက ပြီးခရေ မာ့ချ် ၂၄ရက်နိကပင် ပြောင်သေရွာနန့် အနီးအနားရပ်ရွာတိကို လက်နက်ကြီးအပြင် လီကြောင်းကပါ ပစ်ခတ်နီခရေအတွက် ဒေသခံတိ တိမ်းယှောင်နီကတ်ရရေလို့ သိဟိရပါရေ။
Please follow and like us:
