APM ၊ မာ့ချ် ၂၅ / ၂၀၂၃
ခရစ္စတီယာနို ရော်နယ်ဒိုသည် ယူရို ၂၀၂၄ ခြီစစ်ပွဲလစ်ချင်စတိန်းနန့် ပွဲအတွက် ပေါ်တူဂီလက်ရွီးစင် ကဇတ်သမား စာရင်းတွင် ပါဝင်ခပြီးနောက် နိုင်ငံတကာပွဲ အများဆုံး ကဇတ်သမားအဖြစ် မှတ်တမ်းဝင်လားကြောင်းသိရသည်။
စီရော်နယ်ဒိုသည် အယင်က ကူဝိတ် လက်ရွီးစင် ကဇတ်သမား အယ်မူတာဝါနန့် နိုင်ငံတကာပွဲ အရီအတွက် ၁၉၆ ပွဲစီ တူညီနီရာကနီ လစ်ချင်စတိန်းနန့် ပွဲ၌ ပါဝင်ခပြီးနောက် ၁၉၇ ပွဲနန့် ပွဲအများဆုံး ကဇတ်သမားအဖြစ် စံချိန်သစ် တခုကို ချိုးဖျက်ကာ အောင်မြင်မှုရဟိခသည်။
ယင်းအပြင် ရော်နယ်ဒိုသည် လစ်ချင်စတိန်းနန့်ပွဲမှာ ၂ ဂိုး သွင်းယူနိုင်ခခြင်းကြောင့် နိုင်ငံတကာသွင်းဂိုး ၁၂၀ အထိ ဟိလာ ပြီး ဘောလုံးလောက ဂိုးသွင်းအများဆုံးကဇတ်သမားများထဲတွင် နံပါတ်(၁)နီရာကို သိမ်းပိုက်ထားသည်။
အီရန်ဂန္ထဝင်ကဇတ်သမား အယ်မူတာဝါ က ၁၀၉ ဂိုးနန့် ဒုတိယနီရာမှာ ရပ်တည်နီပြီး အာဂျင်တီးနားတိုက်စစ်မှူး လီယွန် နယ်မက်ဆီက တတိယနီရာတွင် ဟိနီသည်။
ပေါ်တူဂီအသင်းသည် ယူရို ၂၀၂၄ ခြီစစ်ပွဲတွင် လက်ချင်စတိန်း၊ လူဇင်ဘတ်၊ အိုက်စလန်၊ ဆလိုဗား ကီးယား၊ ဘော့စနီး ယားရိုနန့် တအုပ်စုတည်း ဟိနီပြီး တလင်းဂနီနိတွင် လူဇင်ဘတ်အသင်းနန့် ကဇတ်ရမည် ဖြစ်သည်။
Source – Cristiano Ronaldo becomes most capped player in international football.
Photo – SPORTSTAR
