APM ၊ အောက်တိုဘာ ၂၅/၂၀၂၃
ပေါက်တောမြို့နယ်မာ အောက်တိုဘာ ၂၄ ရက်နိက ကွန်ပိုက်လားယင်းနန့် ပျောက်နီရေ အမျိုးသားတယောက်ကို ဒေနိ(အောက်တိုဘာ ၂၅ ရက်နိ) ညဇာမာ ရီမြုပ်သီဆုံးနီရေ ရုပ်အလောင်းပြန်တွိရကြောင်း သိရပါရေ။
ရီမြုပ်သီဆုံးလားလူမာ ပေါက်တောမြို့နယ်၊ဝင်းကျွန်းကုလားချောင်းရွာက ဦးမောင်ဝင်းနိုင် ဖြစ်ပါရေ။
ဦးမောင်ဝင်းနိုင်စွာ အောက်တိုဘာ ၂၄ ရက်နိ နိခင်း ၁၁ နာရီလောက်မာ ကွန်ပိုက်ဖို့လားခစွာက အိမ်သို့ပြန်မရောက်ဘဲ ပျောက်ဆုံးနီစွာဖြစ်ပါရေ။
ပျောက်ဆုံးနီရေ ဦးမောင်ဝင်းနိုင်ကို ရွာသားတိက ဝိုင်းဝန်ယှာကတ်လို့ ဒေနိညဇာ ၅နာရီလောက်မာ ရွာနောက်ဖက်ဟိ ဒါးပြန်ချောင်းအတွင်း ကွန်နန့်ခန္ဓာကိုယ်ငြိပျာ သီဆုံးနီရေ ရုပ်အလောင်းကိုတွိဟိရစွာဖြစ်ပါရေ။
အောက်တိုဘာ ၂၃ ရက်နိကလည်း မြောက်ဦးမြို့နယ်၊ ခြီကြောသယ်မချောင်းမာ ဟွန်ဒါတစီးမှောက်ပြီးကေ အမျိုးသားတယောက်ရီမြုပ်သီဆုံးခပါသိမ့်ရေ။
Please follow and like us:
