APM ၊ စပ်တမ်ဘာ ၂၄ / ၂၀၂၃
တရုတ်သမ္မတ ချီကျင့်ဖျင်အနီနန့် ကိုရီးယားကျွန်းဆွယ်ဒေသ ငြိမ်းချမ်းရီးနန့် လုံခြုံရီးကိစ္စအတွက် တောင်ကိုရီးယားသို့ လားရောက်ဖို့ အလေးအနက်ထား စဉ်းစားနီကြောင်း တောင်ကိုရီးယား Yonhap သတင်းမာ စပ်တမ်ဘာ ၂၃ ရက်နိက ဖော်ပြပါရေ။
တောင်ကိုရီးယားဝန်ကြီးချုပ် ဟန်ဒါ့ခ်ဆိုးရေ စပ်တမ်ဘာ ၂၃ ရက်နိက တရုတ်နိုင်ငံမာ စလို့ကျင်းပရေ အာသျှအားကဇတ်ပြိုင်ပွဲကို တက်ရောက်စွာမာ တမ္မတချီကျင့်ဖျင်နန့် တွိဆုံခပါရေ။
ယင်းပိုင် တွိဆုံမှုအပြီးမာ ကိုရီးယားကျွန်းဆွယ် ငြိမ်းချမ်းရီးနန့် လုံခြုံရီးကို ကျောထောက်နောက်ခံပြုဖို့ ကြိုးပမ်းမှု တစိတ်တပိုင်း အနီနန့် တောင်ကိုရီးယားသို့ လာရောက်ပြီးကေ ဆွေးနွေးမှုတိလုပ်ဖို့ စဉ်စားနီရေလို့ ချီကျင့်ဖျင်က ပြောဆိုခစွာဖြစ်ပါရေ။
တောင်ကိုရီးယားဝန်ကြီးချုပ်ကလည်း သမ္မတချီကျင့်ဖျင်ရေ နှစ်နိုင်ငံအကြား မဟာဗျူဟာမြောက် မိတ်ဖက်ဆက်ဆံရီးကို မြှင့်တင်ဖို့ ဆန္ဒဟိနီရေလို့ ဆိုပါရေ။
လာဖို့ စပ်တမ်ဘာ ၂၆ ရက်နိမာ တရုတ်၊ ဂျပန်၊ တောင်ကိုရီးယား ၃ နိုင်ငံက တာဝန်ဟိရေလူတိ တောင်ကိုရီးယား၊ ဆိုးလ်မြို့မာ တွိဆုံဖို့ဟိနီပြီးကေ အဆိုပါတွိဆုံပွဲမတိုင်ခင် တရုတ်သမ္မတက ဒေဂုပိုင် နှစ်နိုင်ငံပူးပေါင်းဆောင်ရွက်ရီး ခရီးလားဖို့ ပြောဆိုခစွာပါ။
တရုတ်သမ္မတ ချီကျင်းဖျင်ရေ ပြီးခရေ ၂၀၁၄ ခုနှစ်က တောင်ကိုရီးယားကို နောက်ဆုံးလားရောက်ခပါရေ။
လက်ဟိမာ ကိုရီးယားကျွန်းဆွယ်အတွင်း မြောက်ကိုရီးယား၏ နျူကလီးယားအပါအဝင် ဒုံးလက်နက်တိ စမ်းသပ်ပစ်ခတ်မှုတိနန့် စစ်ရီးခြိမ်းမြောက်မှုတိကြောင့် အမေရိကန်၊ တောင်ကိုရီးယားနန့် ဂျပန်ရို့ စိုးရိမ်ပူပန်မှု များနီပါရေ။
Source – Xi says he will ‘seriously consider’ visiting South Korea as he meets PM Han on sidelines of Asian Games
Photo – Reuters
