APM ၊ ဂျူလိုင် ၂၄ / ၂၀၂၃
အင်္ဂလန်နိုင်ငံ၊ ဟွိုင်းလိခ်မြို့ဟိ တော်ဝင်လီဗာပူးလ် ဂေါက်ကလပ်တွင် ဂျူလိုင် ၂၃ ရက်နိက ကျင်းပသည့် (၁၅၁) ကြိမ်မြောက် British Open ချန်ပီယံဆုကို အမေရိကန်ဂေါက်သီးသမား ဘရိုင်ယန် ဟာမန်က ပြိုင်ဖက် ဂေါက်သီးသမား ၄ ယောက်ကို ခြောက်ချက်အသာစီးနန့်အပြတ်အသတ် အနိုင်ရ ဗိုလ်စွဲလားကြောင်းသိရသည်။
ကမ္ဘာ့အဆင့် (၂၆) ကစားသမား ဟာမန် သည် ၈ ရက်ကြာကျင်းပခသည့် အဆိုပါပြိုင်ပွဲတွင် မိုးအဆက် မပြတ် ရွာနီသည့်ကြားမှ ၇၂ ကျင်းပြိုင်ပွဲကို ၆ ချက်အသာစီးဖြင့် တောင်ကိုရီးယားဂေါက်သီးသမား တွမ်ကင်၊ သြစတြီးယားမှ စထရာကာ၊ ဂျေဆန်ဒေး နန့် စပိန်ဂေါက်သီးသမား ဂျွန် ရမ် ရို့ကို အပြတ်အသတ်အနိုင်ရဟိခသည်။
“ကျနော် မိုးရီထဲမှာ သမိုင်းကြောင်းအရ တခါလေ့ မကဇတ်ဖူးပါ။ ဒေနိ စွမ်းဆောင်နိုင်ခရေ ရိုက်ချက်တိအတွက် ကိုယ့်ကိုကိုယ် ဂုဏ်ယူမိပါရေ” ဟု ဘရိုင်ယန် ဟာမန်က ဆိုသည်။
အသက် ၃၆ နှစ်အရွယ် ဟာမန်၏ ဒေဂု ပရော်ဖက်သျှင်နယ် ချန်ပီယံအောင်ပွဲသည် ၂၀၁၇ ခုနှစ်နောက်ပိုင်း ပြန်လည် ဆွတ်ခူးနိုင်ခခြင်းဖြစ်ပြီး စံချိန်တင်ဆုငွေ ဒေါ်လာ ၃ သန်း နန့် ပြိုင်ပွဲဆုဖလားအား ရဟိခကြောင်း သိရသည်။
Source- Harman memenangi kejohanan golf Terbuka British/VOA/Reuters
Photo- Arab News
