APM ၊ဂျူလိုင် ၂၄ / ၂၀၂၃
ထိုင်းနိုင်ငံတွင် ဂျူလိုင် ၁ ရက်နိမှစ၍ နိုင်ငံတဝန်း စီးနင်းရှာဖွီမှုများပြုလုပ်ခရာတွင် တရားမဝင် လက်နက် အများအပြားနန့် သံသယဟိလူ ၉၆၆ ယောက်ကို ဖမ်းဆီးရမိကြောင်း ထိုင်းရဲတပ်ဖွဲ့က ဂျူလိုင် ၂၃ ရက်နိတွင် ပြောကြားထားသည်။
ဂျူလိုင် ၂၁ ရက်နိအထိ စီးနင်းရှာဖွီရာတွင် တရားမဝင်သီနတ် ၉၁၁ လက်၊ ကျည်မျိုးစုံ ၄၄,၅၄၀ ခု၊ ဖောက်ခွဲရီးပစ္စည်း ၂ ခု၊ စိတ်ကြွဆီးပြား ၆၂၃၉ ပြားနန့် လက်နက်ခဲယမ်းမီးကျောက်များကို သိမ်းဆည်းရမိခသည်ဟု ဆိုသည်။
ယင်းကဲ့သို့ ဝင်ရောက်စီးနင်းရာတွင် ရဲတပ်ဖွဲ့သည် ကဘာရီပြည်နယ်၌ မူးယစ်ဆီးဝါးမှု၊ လူသတ်မှုကျူးလွန်ရန်ကြိုးပမ်းမှု၊ ပိုင်နက် ကျုးကျော်မှုစသည့် အမှု ၃ ခုဖြင့် ရဝမ်းထုတ်ခံထားရသည့် အသက် ၂၈ နှစ်အရွယ် ဘွန်၏ နီအိမ်ကို ဝင်ရောက်စစ်ဆီးရာ သံသယဟိသူနန့် ရဲတပ်ဖွဲ့အကြား အပြန်အလှန်ပစ်ခတ်မှုများဖြစ်ပွားပြီး သံသယဟိသူ သီဆုံးကာ ၎င်း၏ နီအိမ်အတွင်းမှ 9mm Mauser ပစ္စတိုတလက်၊ M67 လက်ပစ်ဗုံးတခုနန့် မီးခိုးဗုံး၂ လုံးရိုကို သိမ်းဆည်းခသည်ဟု သိရသည်။
အဆိုပါစစ်ဆင်ရီးကို ထိုင်းရဲတပ်ဖွဲ့၏ လက်ထောက်အကြီးအကဲ တော်ဆက်ခ် ဆွတ်ခ်ဝီမိုက ကြီးကြပ်ပြီး မြိုတော်ရဲဗျူရို၊ ခရိုင် ရဲတပ်ဖွဲ့ နယ်မြီ ၁-၉၊ ဗဟို စုံစမ်းစစ်ဆီးရီးဗျူရို၊ မူးယစ်ဆီးဝါး နှိမ်နင်းရီးဗျူရို၊ ခရီးလား ရဲဌာန၊ လူဝင်မှုကြီးကြပ်ရီး ရဲတပ်ဖွဲ့ ဗျူရို၊ ဆိုက်ဘာမှုခင်း စုံစမ်းစစ်ဆီးရီးဗျူရိုနန့် နယ်ခြားစောင့်ရဲတပ်ဖွဲရို့ ပူးပေါင်း ပြုလုပ်ခခြင်းဖြစ်ကြောင်း သိဟိရသည်။
Source – Nationwide Gun Crackdown Leads to Seizures and Arrests/ NTT
Photo The Phuket News
