APM၊ သြဂတ်စ် ၂၃/ ၂၀၂၃
မြောက်ဦးမြို့၊ မြို့ဦးဂေါင်း စစ်ဖီးယှောင်စခန်းတွင် စားနပ်ရိက္ခာနန့် သောက်သုံးရီများလိုအပ်လျက်ဟိကြောင်း သိရသည်။
အဆိုပါစစ်ဖီးယှောင် စခန်းဟိ စစ်ဖီးယှောင်များမှာ နိစားအလုပ်ဖြင့် အသက်မွီးဝမ်းကျောင်းပြုနီရသူများဖြစ်ပြီး လက်ဟိအလုပ်အကိုင်ယှားပါး၍ အခက်ကြုံနီကတ်ရကြောင်း စစ်ဖီးယှောင်များကပြောသည်။
ယင်းအပြင် လက်ဆည်ကန်မှစခန်းသို့ ရီတင်နီရသည့် ရီပိုက်ကြီးမှာလည်း ပျက်စီးလား၍ လက်ဟိ စစ်ဖီးယှောင်များမှာ သောက်သုံးရီအခက်ကြုံနီကတ်ရပြီး မိနစ်၂၀ လောက်ဝီးသည့်အလိုတော်ပြည့်ဘုန်းကြီးကျောင်းမှ သောက်သုံး ရီခပ်ယူသုံးစွဲနီရသည်ဟုဆိုသည်။
ယင်းအပြင် အကူအညီလာရောက်မှုနည်းပါး၍ ခြင်ထောင်အပါအဝင် တခြား အသုံးအဆောင်ပစ္စည်းများလည်း ဟောင်းနွမ်းပျက်စီးနီကာ အကူအညီများ လိုအပ်လျက်ဟိသည်။
မြို့ဦးဂေါင်းစစ်ဖီးယှောင်စခန်းတွင် အိမ်ထောင်စု ၁၀၀ကျော်နန့် လူဦးရေ ၇၀၀ ကျော် ခိုလှုံနီထိုင်လျက်သည်။
Photo – ABN
