APM ၊ ဩဂတ်စ် ၂၃ / ၂၀၂၃
မက္ကဆီနိုင်ငံအလယ်ပိုင်း အိုဟွာကာမြို့နန့် ပိုအဲဘလာမြို့အကြား အဝီးဗြီးလမ်းမကြီးတွင် ဩဂတ်စ် ၂၂ ရက်နိ၊ မိုးထပိုင်း၌ ဘတ်စ်ကားတစီးနန့် ကုန်တင်ကားတစီး တိုက်မိမှုကြောင့် အနည်းဆုံးလူ ၁၆ ယောက် သီဆုံးခပြီး၊ ၃၆ ယောက် ထိခိုက်ဒဏ်ရာ ရဟိခကြောင်း အာဏာပိုင်များက ပြောကြားသည်။
ဗင်နီဇွဲလားနိုင်ငံသို့လားမည့် ရွှိပြောင်းအလုပ်သမားများကို တင်ဆောင်လာသည့် ဘတ်စ်ကားသည် နောက်တွဲကုန်တင်ယာဉ် တစီးနန့် တိုက်မိခခြင်းဖြစ်ကြောင်း မက္ကဆီကိုနိုင်ငံ (INM) ပြောင်းရွှိနီထိုင်ရီးအင်စတီကျုမှ တာဝန်ဟိလူများက ပြောကြားသည်။
အဆိုပါဘတ်စ်ကားတွင် ရွှိပြောင်းအလုပ်သမား ၅၂ ပါဟိကာ ယင်းအထဲမှ ရွှိပြောင်းအလုပ်သမား ၁၆ ယောက် သီဆုံးခပြီး သီဆုံးလူအများ၏ အလောင်းများကို ဗင်နီဇွဲလားနိုင်ငံသို့ ပို့ပီးမည်ဖြစ်ကြောင်း INM ၏ ပြောကြားချက်အရ သိရသည်။
ယာဉ်တိုက်မှုအတွင်း ထိခိုက် ဒဏ်ရာရလူ ၃၆ ယောက်ကို ဆီးကုသမှုခံယူရန်အတွက် ပိုအဲဘလာမြို့ဟိ ဆီးရုံများသို့ ပို့ဆောင်ထားကြောင်းလည်း အာဏာပိုင်များက ဆိုသည်။
ရွှိပြောင်းလုပ်သားများသည် ဗင်နီဇွဲလားနိုင်ငံသို့ဝင်ရောက်ရန် မက္ကဆီကိုမှတဆင့် ထရပ်ကားများနန့် ဘတ်စ်ကားများကို အသုံးပြုလားရောက်လိဟိရာ၂၀၂၁ ခုနှစ်ကလည်း ရွှိပြောင်းလုပ်သားများလိုက်ပါလာသည့် ထရပ်ကားတစီးသည် တူးစ်လာ ဂူတီးယားရတ်စ် မြို့အနားဟိ အဝီးဗြီးကားလမ်းမကြီးတွင် တိမ်းမှောက်ခရာ လူ ၅၆ ယောက် သီဆုံးခသိမ့်သည်။
Source 16 dead and 36 injured after bus carrying migrants and locals crashes in Mexico, officials say/CNN
Photo Reuters
