APM ၊ ဩဂတ်စ် ၂၃ / ၂၀၂၃
မြောက်ဦးမြို့နယ်တွင် လေးမြို့မြစ်ကမ်းထောင်းပြိုကျရာ၌ပါလားသည့် အမျိုးသားတယောက် လက်ဟိအချိန်ထိ ရှာမရဘဲ ပျောက်နီကြောင်း သိရသည်။
ပျောက်နီလူမှာ မြောက်ဦးမြို့နယ်၊ ပုရိန်ရွာမ(မူဆလင်)ရွာမှ ဦးအာမိုရ်၏ သား ဦးနူလ်ကော်မာ(၄၅ နှစ်) ဖြစ်သည်။
ဦးနူလ်ကော်မာ၏ နီအိမ်သည် လေးမြို့မြစ်ကမ်းဘေးတွင် တည်ဟိပြီး ဩဂတ်စ် ၂၂ ရက်နိ မိုးထ ၁၀ နာရီလောက်က ခြံထဲက သစ်ပင်ကို ခွတ်နီစဉ် မြစ်ကမ်းထောင်းပြိုကျကာ ပါလားခသည်။
ပျောက်ဆုံးနီလူ ဦးနူလ်ကော်မာအား ရပ်သူရွာသားများက လိုက်လံရှာဖွီလျက်ဟိရာ လက်ဟိအချိန်ထိရှာမတွိသိမ့်ကြောင်း သိဟိရသည်။
ရက္ခိုင်တွင် ကုန်ခသည့် ဩဂတ်စ်လအစပိုင်းက ရီကြီးမှုများဖြစ်ပေါ်ခပြီး ယင်းရီကြီးခြင်း၏ အကျိုးဆက်များအနီနန့် မြီပြိုခြင်း၊ မြီကျွံခြင်း၊ သစ်ပင်များလဲကျခြင်း၊ အဆောက်အအုံဟောင်းများပြိုကျခြင်းစသည်ရို့ ဖြစ်လာနိုင်၍ မိဖပြည်သူများအနီနန့် သတိထားလားလာနီထိုင်ကတ်ရန် ရက္ခိုင်အမျိုးသားအဖွဲ့ချုပ် ULA က သတိပီး ထုတ်ပြန်ထားသည်။
