APM၊ သြဂတ်စ် ၂၃/၂၀၂၂
မောင်တောမြို့နယ်မှ မိဖပြည်သူများသို့ ရက္ခိုင်အမျိုးသားအဖွဲ့ချုပ် ULA က ဒေနိ(ဩဂတ်စ် ၂၃ ရက်နိ)ရက်စွဲနန့် အသိပီးကြေညာ ချက်တစောင် ထုတ်ပြန်သည်။
ယင်းကြေညာချက်၌ “နိုင်ငံတော်စီမံအုပ်ချုပ်ရီးကောင်စီ(နစက)သည် ရက္ခိုင်ပြည်သူလူထုကို ဖိနှိပ်လို၍ ရက္ခိုင်ပြည်ဟိ မြို့နယ် တချို့၌ ညည့်မထွက်ရ အမိန့်ကို ရည်ရွယ်ချက်ဟိဟိ တမင်တကာ ထုတ်ဆင့်လျက်ဟိရာတွင် မောင်တောမြို့နယ်၌လေ့ ညည့် (၁၀)နာရီမှ နောက်နိမိုးထ(၅)နာရီ အထိ ညည့်မထွက်ရအမိန့်ကို ထုတ်ပြန်ထားသည်မှာ လပေါင်းများစွာ ကြာမြင့်ခပြီး ဒေဂုလ အတွင်း၌လေ့ ညည့်မထွက်ရအမိန့်ကို ထပ်မံထုတ်ပြန်ထားသည်။ ယင်းအပြင် ကုန်းလမ်း၊ရီလမ်း ကုန်စည်သယ်ယူပို့ဆောင်ရီး နန့် ခရီးလားလာရီး ကိစ္စရပ်များကိုပါ တင်းကျပ်စွာ ကန့်သတ်ပိတ်ပင်တားမြစ်လိုက်သည့်အတွက် မောင်တောမြို့နယ်အတွင်းက ရွာ ပေါင်းများစွာမှ ဒေသခံပြည်သူလူထုများသည် ရိက္ခာပြတ်လပ်မှုများကို ကြုံတွိနီရကာ အခက်အခဲမျိုးစုံကို ဆိုးဝါးစွာ ရင်ဆိုင်နီ ကတ်ရသည် “ဟု ဖော်ပြထားသည်။
ယင်းအပြင် “အခြားတဖက်တွင်လေ့ မြန်မာစစ်တပ်သည် စစ်ရီးပြင်ဆင်မှု၊ လက်နက်ခဲယမ်း၊စစ်အင်အားတိုးချဲ့မှုနန့်အတူ စစ်ဆင်ရီးပြုလုပ်မည့် အရိပ်အယောင်များကိုပါ ခပ်စိပ်စိပ် ထပ်မံတွိလာနီရပြီး မြို့နယ်အတွင်း ရွာတရွာနန့်တရွာလားလာခွင့်များ၊ ရွာအပြင် ထွက်ခွင့်များကို မြန်မာစစ်တပ်မှ လုံးဝပိတ်ပင်ကန့်သတ်ထားပြီး ရိက္ခာပြတ်လပ်၍ အငတ်ဖီးဆိုက်အောင် တမင်တကာ အနိုင်ကျင့် လုပ်ဆောင်နီခြင်းမှာ လူသားမျိုးနွယ်အပေါ် ပြစ်မှုကျူးလွန်နီခြင်းတမျိုးဖြစ်ကြောင်း၊ ကုန်းလမ်း၊ ရီလမ်း၊ မြို့၊ ရွာအဝင် အထွက်လမ်းများတွင် မြန်မာစစ်တပ်မှ စစ်ဆီးရီးဂိတ်များဖွင့်ကာ ခရီးလားလာပြည်သူများကိုခေါ်ယူစစ်ဆီးခြင်း၊ ဖုန်းများကို စစ်ဆီးခြင်း၊အိမ်များကိုဝင်ရောက်စီးနင်းရှာဖွီမွှီနှောက်ခြင်း၊ မတရားဖမ်းဆီးရိုက်နှက်ခေါ်ဆောင်လားကာပုဒ်မအမျိုးမျိုး တပ်လျက် တရားစွဲဆိုခြင်း၊ ဂိတ်စခန်းချထားသည့်နီရာများမှ ရက်ရက်စက်စက် ဥပဒေမဲ့ သီနတ်ဖြင့်ပစ်ခတ်သတ်ဖြတ်ခြင်းများကိုလေ့ လက် ရဲဇက်ရဲဗြောင်ကျကျကျူးလွန်လျက်ဟိကြောင်း၊ ဤသည်မှာ မြန်မာစစ်တပ်မှ ပြည်သူကို လုပ်လိလုပ်ထဟိသော ဖြတ်လေးဖြတ် စစ်ဆင်ရီးထဲမှ ရိက္ခာပြတ်လားအောင်ပြုလုပ်ခြင်းပင်ဖြစ်ကြောင်းနန့်ဒေဂုရက်သတ္တပတ်အတွင်းမြန်မာစစ်တပ်နန့် ရက္ခိုင့်တပ် တော်အကြား စစ်ရီးတင်းမာမှုကြောင့် တိုက်ပွဲများခပ်စိပ်စိပ် ဖြစ်ပွားလာခြင်းနန့်အတူ တိုက်ပွဲအဟိန်သည်လေ့ တရက်ထက် တရက်ပိုမိုမြင့်မားလာပြီး တိုက်ပွဲနီရာများမှာလေ့ ပိုမိုကျယ်ပြန့်လာနီသည်” ဟု ULA က ဆိုသည်။
ယင်းကြောင့် “မြန်မာစစ်တပ် နန့် ၎င်းရို့၏ နယ်ခြားစောင့်တပ်ဖွဲ့များ အခြီပြုထားသည့် နီရာများ၊ ၎င်းရို့ ဂိတ်စခန်းချ စစ်ဆီးသည့် နီရာများ၊ ပုံမှန်လားလာနီကတ်သည့် နီရာများ၌ မလားမဖြစ်လားလာရမည့် အရေးပေါ်ကိစ္စ၊ သီရီးရှင်ရီးကိစ္စ၊ ကျန်းမာရီးကိစ္စများမှ လွဲ၍ လားလာခြင်းမပြုကတ်ပါရန်နန့်အကယ်တန္တိ မဖြစ်မနီလားလာရမည်ဆိုပါကလေ့ နီးစပ်ရာ မိမိရို့ ဒေသဆိုင်ရာ နိုင်ငံရီးရုံး၊ အုပ်ချုပ်ရီးရုံး၊ နယ်မြီရုံးများမှတဆင့် ဆက်သွယ် အသိပီးပြီးမှရာ လားလာကတ်ပါရန် အလေးထား အသိပီးလိုပါသည်။ လားလာ သည့်အချိန်ကိုလေ့ မိုးထ(၅) နာရီနောက်ပိုင်းမှ ညဇာ (၈) နာရီအတွင်း ဂရုပြုလားလာကတ်ရန်အထူး အလေးအနက် တိုက်တွန်း လိုက်ပါသည်”ဟုလေ့ ကြေညာချက်တွင် ဖော်ပြထားသည်။
ယင်းသို့ မြန်မာစစ်တပ်၏ ခရီးလာလာခွင့်ပိတ်ထားသောလုပ်ရပ်၊ ညည့်မထွက်ရအမိန့်များကြောင့် ဒေသခံပြည်သူများ အခက်အခဲ အကျပ်အတည်း မဖြစ်စီရအောင် ရက္ခိုင်ပြည်သူ့အစိုးရကနည်းလမ်းပေါင်းစုံဖြင့် ဖြေယှင်းရန်ကြိုးပမ်းလျက်ဟိပါကြောင်းနန့် ရက္ခိုင် ပြည်သူ့အစိုးရ အနီနန့်လေ့ ခရီးလား မိဖပြည်သူများအတွက် အကောင်းဆုံး ကူညီဆောင်ရွက်ပီးကတ်ပါရန် ညွှန်ကြား ထားပြီးဖြစ် ပါကြောင်း”လေ့ ရက္ခိုင်အမျိုးသားအဖွဲ့ချုပ် ULA ၏ အသိပီးကြေညာချက်၌ ဖော်ပြပါဟိသည်။
(Zawgyi)
ေမာင္ေတာၿမိဳ႕နယ္ မိဖျပည္သူမ်ားသို႔ ULA အသိပီးေၾကညာခ်က္ ထုတ္
APM၊ ၾသဂတ္စ္ ၂၃/၂၀၂၂
ေမာင္ေတာၿမိဳ႕နယ္မွ မိဖျပည္သူမ်ားသို႔ ရကၡိဳင္အမ်ိဳးသားအဖြဲ႕ခ်ဳပ္ ULA က ေဒနိ(ဩဂတ္စ္ ၂၃ ရက္နိ)ရက္စြဲနန႔္ အသိပီးေၾကညာ ခ်က္တေစာင္ ထုတ္ျပန္သည္။
ယင္းေၾကညာခ်က္၌ “ႏိုင္ငံေတာ္စီမံအုပ္ခ်ဳပ္ရီးေကာင္စီ(နစက)သည္ ရကၡိဳင္ျပည္သူလူထုကို ဖိႏွိပ္လို၍ ရကၡိဳင္ျပည္ဟိ ၿမိဳ႕နယ္ တခ်ိဳ႕၌ ညည့္မထြက္ရ အမိန႔္ကို ရည္႐ြယ္ခ်က္ဟိဟိ တမင္တကာ ထုတ္ဆင့္လ်က္ဟိရာတြင္ ေမာင္ေတာၿမိဳ႕နယ္၌ေလ့ ညည့္ (၁၀)နာရီမွ ေနာက္နိမိုးထ(၅)နာရီ အထိ ညည့္မထြက္ရအမိန႔္ကို ထုတ္ျပန္ထားသည္မွာ လေပါင္းမ်ားစြာ ၾကာျမင့္ခၿပီး ေဒဂုလ အတြင္း၌ေလ့ ညည့္မထြက္ရအမိန႔္ကို ထပ္မံထုတ္ျပန္ထားသည္။ ယင္းအျပင္ ကုန္းလမ္း၊ရီလမ္း ကုန္စည္သယ္ယူပို႔ေဆာင္ရီး နန႔္ ခရီးလားလာရီး ကိစၥရပ္မ်ားကိုပါ တင္းက်ပ္စြာ ကန႔္သတ္ပိတ္ပင္တားျမစ္လိုက္သည့္အတြက္ ေမာင္ေတာၿမိဳ႕နယ္အတြင္းက ႐ြာ ေပါင္းမ်ားစြာမွ ေဒသခံျပည္သူလူထုမ်ားသည္ ရိကၡာျပတ္လပ္မႈမ်ားကို ႀကဳံတြိနီရကာ အခက္အခဲမ်ိဳးစုံကို ဆိုးဝါးစြာ ရင္ဆိုင္နီ ကတ္ရသည္ “ဟု ေဖာ္ျပထားသည္။
ယင္းအျပင္ “အျခားတဖက္တြင္ေလ့ ျမန္မာစစ္တပ္သည္ စစ္ရီးျပင္ဆင္မႈ၊ လက္နက္ခဲယမ္း၊စစ္အင္အားတိုးခ်ဲ႕မႈနန႔္အတူ စစ္ဆင္ရီးျပဳလုပ္မည့္ အရိပ္အေယာင္မ်ားကိုပါ ခပ္စိပ္စိပ္ ထပ္မံတြိလာနီရၿပီး ၿမိဳ႕နယ္အတြင္း ႐ြာတ႐ြာနန႔္တ႐ြာလားလာခြင့္မ်ား၊ ႐ြာအျပင္ ထြက္ခြင့္မ်ားကို ျမန္မာစစ္တပ္မွ လုံးဝပိတ္ပင္ကန႔္သတ္ထားၿပီး ရိကၡာျပတ္လပ္၍ အငတ္ဖီးဆိုက္ေအာင္ တမင္တကာ အႏိုင္က်င့္ လုပ္ေဆာင္နီျခင္းမွာ လူသားမ်ိဳးႏြယ္အေပၚ ျပစ္မႈက်ဴးလြန္နီျခင္းတမ်ိဳးျဖစ္ေၾကာင္း၊ ကုန္းလမ္း၊ ရီလမ္း၊ ၿမိဳ႕၊ ႐ြာအဝင္ အထြက္လမ္းမ်ားတြင္ ျမန္မာစစ္တပ္မွ စစ္ဆီးရီးဂိတ္မ်ားဖြင့္ကာ ခရီးလားလာျပည္သူမ်ားကိုေခၚယူစစ္ဆီးျခင္း၊ ဖုန္းမ်ားကို စစ္ဆီးျခင္း၊အိမ္မ်ားကိုဝင္ေရာက္စီးနင္းရွာဖြီမႊီေႏွာက္ျခင္း၊ မတရားဖမ္းဆီး႐ိုက္ႏွက္ေခၚေဆာင္လားကာပုဒ္မအမ်ိဳးမ်ိဳး တပ္လ်က္ တရားစြဲဆိုျခင္း၊ ဂိတ္စခန္းခ်ထားသည့္နီရာမ်ားမွ ရက္ရက္စက္စက္ ဥပေဒမဲ့ သီနတ္ျဖင့္ပစ္ခတ္သတ္ျဖတ္ျခင္းမ်ားကိုေလ့ လက္ ရဲဇက္ရဲေျဗာင္က်က်က်ဴးလြန္လ်က္ဟိေၾကာင္း၊ ဤသည္မွာ ျမန္မာစစ္တပ္မွ ျပည္သူကို လုပ္လိလုပ္ထဟိေသာ ျဖတ္ေလးျဖတ္ စစ္ဆင္ရီးထဲမွ ရိကၡာျပတ္လားေအာင္ျပဳလုပ္ျခင္းပင္ျဖစ္ေၾကာင္းနန႔္ေဒဂုရက္သတၱပတ္အတြင္းျမန္မာစစ္တပ္နန႔္ ရကၡိဳင့္တပ္ ေတာ္အၾကား စစ္ရီးတင္းမာမႈေၾကာင့္ တိုက္ပြဲမ်ားခပ္စိပ္စိပ္ ျဖစ္ပြားလာျခင္းနန႔္အတူ တိုက္ပြဲအဟိန္သည္ေလ့ တရက္ထက္ တရက္ပိုမိုျမင့္မားလာၿပီး တိုက္ပြဲနီရာမ်ားမွာေလ့ ပိုမိုက်ယ္ျပန႔္လာနီသည္” ဟု ULA က ဆိုသည္။
ယင္းေၾကာင့္ “ျမန္မာစစ္တပ္ နန႔္ ၎႐ို႕၏ နယ္ျခားေစာင့္တပ္ဖြဲ႕မ်ား အၿခီျပဳထားသည့္ နီရာမ်ား၊ ၎႐ို႕ ဂိတ္စခန္းခ် စစ္ဆီးသည့္ နီရာမ်ား၊ ပုံမွန္လားလာနီကတ္သည့္ နီရာမ်ား၌ မလားမျဖစ္လားလာရမည့္ အေရးေပၚကိစၥ၊ သီရီးရွင္ရီးကိစၥ၊ က်န္းမာရီးကိစၥမ်ားမွ လြဲ၍ လားလာျခင္းမျပဳကတ္ပါရန္နန႔္အကယ္တႏၲိ မျဖစ္မနီလားလာရမည္ဆိုပါကေလ့ နီးစပ္ရာ မိမိ႐ို႕ ေဒသဆိုင္ရာ ႏိုင္ငံရီး႐ုံး၊ အုပ္ခ်ဳပ္ရီး႐ုံး၊ နယ္ၿမီ႐ုံးမ်ားမွတဆင့္ ဆက္သြယ္ အသိပီးၿပီးမွရာ လားလာကတ္ပါရန္ အေလးထား အသိပီးလိုပါသည္။ လားလာ သည့္အခ်ိန္ကိုေလ့ မိုးထ(၅) နာရီေနာက္ပိုင္းမွ ညဇာ (၈) နာရီအတြင္း ဂ႐ုျပဳလားလာကတ္ရန္အထူး အေလးအနက္ တိုက္တြန္း လိုက္ပါသည္”ဟုေလ့ ေၾကညာခ်က္တြင္ ေဖာ္ျပထားသည္။
ယင္းသို႔ ျမန္မာစစ္တပ္၏ ခရီးလာလာခြင့္ပိတ္ထားေသာလုပ္ရပ္၊ ညည့္မထြက္ရအမိန႔္မ်ားေၾကာင့္ ေဒသခံျပည္သူမ်ား အခက္အခဲ အက်ပ္အတည္း မျဖစ္စီရေအာင္ ရကၡိဳင္ျပည္သူ႔အစိုးရကနည္းလမ္းေပါင္းစုံျဖင့္ ေျဖယွင္းရန္ႀကိဳးပမ္းလ်က္ဟိပါေၾကာင္းနန႔္ ရကၡိဳင္ ျပည္သူ႔အစိုးရ အနီနန႔္ေလ့ ခရီးလား မိဖျပည္သူမ်ားအတြက္ အေကာင္းဆုံး ကူညီေဆာင္႐ြက္ပီးကတ္ပါရန္ ၫႊန္ၾကား ထားၿပီးျဖစ္ ပါေၾကာင္း”ေလ့ ရကၡိဳင္အမ်ိဳးသားအဖြဲ႕ခ်ဳပ္ ULA ၏ အသိပီးေၾကညာခ်က္၌ ေဖာ္ျပပါဟိသည္။
