APM ၊ ဂျူလိုင် ၂၃ / ၂၀၂၃
နယူးဇီလန်နိုင်ငံ၊ ဝယ်လင်တန်မြို့တွင် ဒေနိ (ဂျူလိုင် ၂၃ ရက်)နိ ယှဉ်ပြိုင်ကဇတ်သည့် ဆွီဒင်နန့် တောင်အာဖရိက ရို့၏အမျိုးသမီးကမ္ဘာ့ဖလားပွဲစဉ်၌ ဆွီဒင်အမျိုးသမီးအသင်းသည် အသင်းနောက်ခံကဇတ်သမား အမန်ဒါ၏ နောက်ကျသွင်းဂိုးဖြင့် အနိုင်ရဟိလားသည်။
အဆိုပါပွဲစဉ်တွင် တိုက်စစ်မှူး မဂ်ဂါယာက တောင်အာဖရိကအတွက် ပထမပိုင်း၌ အဖွင့်ဂိုး သွင်းယူပီးခပြီး ဒုတိယပိုင်း ၆၅ မိနစ်မှာ ဆွီဒင်အတွက် တိုက်စစ်မှူး ဖရီဒါက ချီပဂိုး သွင်းယူခကာ နောက်ခံလူ အမန်ဒါက မိနစ် ၉၀ တွင် နောက်ကျ အနိုင် ဂိုးကို သွင်းယူ၍ ၂ ဂိုး၊ ၁ ဂိုး ဖြင့် ဆွီဒင်အနိုင်ရဟိခသည်။
ကမ္ဘာ့အဆင့် (၃) ဆွီဒင်အမျိုးသမီးအသင်းသည် အုပ်စု G တွင် တောင်အာဖရိက၊အာဂျင်တီးနား၊ အီတလီအသင်း ရို့နန့် တအုပ်စုတည်းကျနီပြီး အုပ်စု ဒုတိယပွဲစဉ်ကိုတော့ ဂျူလိုင် ၂၉ ရက်နိ အီတလီအမျိုးသမီးအသင်း နန့် ယှဥ်ပြိုင် ကဇတ် ရမည် ဖြစ်သည်။
ဂျုန်လိုင် ၂၀ ရက်နိက စတင်ကျင်းပခသည့်၂၀၂၃ အမျိုး သမီးကမ္ဘာ့ဖလားပြိုင်ပွဲ၏ အုပ်စုပွဲစဥ် (၃)ရက်မြောက်နိတွင် နယူးဇီလန်၊ သြစတြီးယား၊ ဆွန်ဇာလန်၊ စပိန်၊ အမေရိကန်၊ ဂျပန်၊ အင်္ဂလန်၊ ဒိန်းမတ်၊ ဆွီဒင် နန့် နယ်သာလန်အသင်းရို့က နိုင်ပွဲအသီးသီး ရဟိထားပြီး နိုင်ဂျီးရီးယား နန့် ကနေဒါကတော့ ဂိုးမဟိ သရေကျထားကြောင်း သိဟိရသည်။
Source- Sweden beat South Africa with a late goal/AP
Photo-KEEPUP
