APM ၊ ဂျုန် ၂၃ / ၂၀၂၃
အိန္ဒိယဝန်ကြီးချုပ် ရင်ဒရာမိုဒီနန့်အမေရိကန်သမ္မတ ဂျိုးဘိုင်ဒန်ရို့သည် ဂျုန် ၂၂ရက်နိက ပြုလုပ်ခသည့် တွိဆုံဆွေးနွေးမှု အတွင်း နှစ်နိုင်ငံအကြား ကာကွယ်ရီးနန့် ကူးသန်းရောင်းဝယ်ရီးဆိုင်ရာ သဘောတူညီချက်များကို ချမှတ်ခကတ်ကြောင်း သိရသည်။
သဘောတူညီချက်များတွင် အာကာသစူးစမ်းလေ့လာရီး၊ ဆီးမီးကွန်ဒတ်တာ ဖွံဖြိုးတိုးတက်ရီး၊ ဓာတ်သတ္တုလုံခြုံရီး၊ အဆင့် မြင့် ကွန်ပျုတာနည်းပညာ၊ ဆက်သွယ်ရီးစသည့် ကာကွယ်ရီးဆိုင်ရာ ပူးပေါင်းဆောင် ရွက်မှုများပါဝင်ကြောင်း ပူးတွဲပြုလုပ် သည့် သတင်းစာယှင်းလင်းပွဲတွင် ဝန်ကြီးချုပ် နရင်ဒရာမိုဒီနန့် သမ္မတ ဂျိုးဘိုင်ဒန်ရို့က ပြောကြားသည်။
ယင်းအထဲတွင် အိန္ဒိယသည် အာကာသစူးစမ်းလေ့လာရီးဆိုင်ရာ အမေရိကန်ဦးဆောင်သည့် အာတီမီသဘောတူညီချက် တွင် ပါဝင်ရန်နန့် ၂၀၂၄ ခုနှစ်တွင် ပူးတွဲမစ်သျှင်တခုအဖြစ် NASA နန့် ပူးပေါင်းဆောင်ရွက်ရန် သဘောတူညီခကတ် ကြောင်း သိရသည်။
အလားတူ အိန္ဒိယနိုင်ငံ၊ ဂူဂျာရတ်ပြည်နယ်တွင် အမေရိကန်မှ တပိုင်းလျှပ်ကူးပစ္စည်းတပ်ဆင်ခြင်းနန့် စမ်းသပ်ခြင်းစက်ရုံ အတွက် ဒေါ်လာသန်း ၈၀၀ ကျော် ရင်းနှီးမြှုပ်နှံရန်၊ တပိုင်းလျှပ်ကူးပစ္စည်းပညာနန့် လုပ်သားအင်အားဖွံ့ဖြိုးရီးအတွက် အိန္ဒိယ အင်ဂျင်နီယာ ၆သောင်းကို လိကျင့်သင်ကြားပီးရန် သဘောတူခကတ်ကြောင်း နရင်ဒရာမိုဒီက ဆိုသည်။
ယင်းအပြင် နှစ်နိုင်ငံအကြား ကုန်သွယ်ရီးသည် ပြီးခသည့် ဆယ်စုနှစ်များထက် နှစ်ဆတိုးလာကြောင်း၊ ယခင်က ဆိုင်းငံ့ ထားသည့် ကုန်သွယ်မှုဆိုင်ရာ ပြဿနာများကို ဖြေယှင်းကာ သဘောတူညီချက်သစ်များ ချမှတ်ခကတ်ကြောင်း သတင်း စာယှင်းလင်းပွဲ တွင် ဂြိုးဘိုငျဒငျက ပြောကြားခသည်။
Source – As Biden, Modi meet, a flurry of US and India deals/ Aljazeera
Photo – AP
