APM၊မေ ၂၃/၂၀၂၄
ကျောက်ဖြူမြို့နယ်၊ဂုံးချွိန်တိုက်နယ်မာ ဒေနိ(မေ၂၃ရက်နိ)၊မိုးထက စစ်ကောင်စီတပ်ထောင်ထားခရေမိုင်းကို တက်နင်းမိလို့ ဒေသခံတယောက် ခြီထောက်တဖက်ပြတ်ထွက်လားရေလို့သိရပါရေ။
ခြီထောက်တဖက်ပြတ်ထွက်လားခလူစွာ ကျောက်ဖြူမြို့နယ်၊ဂုံးချွိန်တိုက်နယ်၊ကုလဘာရွာက ဦးဦးထွန်းဝင်း( ၅၆ နှစ်)ဖြစ်ပါရေ။
သူစွာ ဒေနိ၊မိုးထ ၈နာရီ ၂၀ မိနစ်လောက်က ရွာအနားဝန်းကျင်သို့ ကောက်ရိုးထမ်းဖို့လားရေခါ စစ်ကောင်စီတပ်ထောင်ထားရေ မိုင်းကိုနင်းမိရာက ပေါက်ကွဲမှုဖြစ်ပွားခပါရေ။
ယင်းသို့ ပေါက်ကွဲမှုဖြစ်ပွားခရေအတွက် သူ၏ ညာဖက်ခြီထောက်မာ မိုင်းစထိမှန်ပနာ ပြတ်ထွက်လားခရေပိုင်၊ခန္ဒာကိုယ်အနှံ့မာလည်းပြင်းထန်ဒဏ်ရာရလားရေလို့ ဆိုပါရေ။
လက်ဟိ ဦးထွန်းဝင်းစွာ အရေးပေါ် ဆီးကုသမှုခံယူလျက်ဟိပါရေ။
Please follow and like us:
