APM ၊ မေ ၂၃ / ၂၀၂၃
မုန်တိုင်းဒဏ်သင့် ရက္ခိုင်ပြည်သူများအတွက် ကယ်ဆယ်ရီးလုပ်ငန်းများ ဆောင်ရွက်နီသည့် စာရွီးဆရာ ဝေဟင်အောင် နန့်အဖွဲ့ကိုဒေနိ(မေ၂၃) နိခင်းပိုင်း၌ မြန်မာစစ်တပ် တပ်ဖွဲ့ဝင်များကဖမ်းဆီးလားကြောင်း သတင်းရဟိသည်။
ဆရာဝေဟင်အောင်နန့်အဖွဲ့သည် ဒေနိနိခင်း ၁၂ နာရီလောက်ကပုဏ္ဏားကျွန်းမြို့နယ်ဟိ မုန်တိုင်းဒဏ်သင့်ပြည် သူများကို ကယ်ဆယ်ရီးပီးရန်လားစဉ် စစ်တွေမြို့နယ်၊ အမြင့်ကျွန်းရွာနားအရောက်တွင် မြန်မာစစ်တပ်၏ စစ်ဖက်ရီးရာ လုံခြုံရီး တပ်ဖွဲ့ (စရဖ) တပ်ဖွဲ့ဝင်များက ဖမ်းဆီးလားခသည်။
မျက်မြင်ဒေသခံများ၏ ပြောကြားချက်အရ ဖမ်းဆီးခံရသည်မှာ ဆရာဝေဟင်အောင်အပါအဝင် ၅ ယောက် ဟုသိရပြီး ၎င်းရို့ ၅ ယောက်ကို ဇာကြောင့် ဖမ်းဆီးခြင်းဖြစ် ကြောင်းနန့် ဇာနီရာတွင် ထိန်းသိမ်း ထားကြောင်းကို APM မှ အသေးစိတ် စုံစမ်းလျက်ဟိသည်။
Please follow and like us:
