APM ၊ ဒီဇမ်ဘာ ၂၃ / ၂၀၂၃
မောင်တောမြို့နယ်မာ ဒီဇမ်ဘာ၂၂ ရက်နိ၊ ညည့်က စစ်ကောင်စီတပ် နခခ(၅)က အနားဟိရပ်ရွာတိသို့ လက်နက် ကြီးတိ နန့် ယမ်းကားပစ်ခတ်လို့ ဒေသခံပြည်သူတိမာ ထိခိုက်ပျက်စီးမှုတချို့ဟိကြောင်း သိရပါရေ။
ဒီဇမ်ဘာ၂၂ရက်နိ၊ညည့် ၁၂နာရီကျော်အချိန် မောင်တော မြို့နယ်၊ မြို့သူကြီး အခြီစိုက် စစ်ကောင် စီတပ် နခခ (၅) တပ်ရင်းက အနားဟိရပ်ရွာတိသို့ လက်နက်ကြီးတိနန့် ယမ်းကားပစ်ခတ်ခရေအတွက် လက်နက်ကြီးကျည်တလုံးစွာ ဇူလ(မူဆလင်) ရွာ အရှိတောင်ဖက်ဟိ ဦးမာရှော်ရီး၏ နွားခြံထဲကို ကျရောက်ပေါက်ကွဲရာ နွား ၅ ကောင်သီဆုံးလားပြီးကေ ၇ ကောင်ဒဏ်ရာရလားခရေလို့ ဒေသ ခံတိက ပြောပါရေ။
ရက္ခိုင်ပြည်မာ ရက္ခိုင့်တပ်တော်AAနန့် စစ်ကောင်စီတပ်ရို့တကျော့ပြန်တိုက်ပွဲဖြစ်ပြီးနောက်ပိုင်း စစ်ကောင်စီတပ်စွာ အရပ်သားပြည်သူတိနီထိုင်ရေ ရပ်ရွာ၊မြို့တိကို လက် နက်ကြီး၊ လက်နက်ချေတိနန့် ပစ်ခတ်စွာ၊ရပ်ရွာတိနန့် ဒေ သခံလယ်သမားတိ ပိုင်ဆိုင်ရေစပါးခင်းတိကို မီးတိုက်စွာတိကို ရက်ပြတ်လုပ်ဆောင်လို့ ဟိနီပါရေ။
