(အောက်တိုဘာ ၁၆ ရက်နိမှ ၂၂ ရက်နိအထိ)
၁။ ၁၆-၁၀-၂၀၂၃ (တလင်းလာ)
ရက္ခိုင်အမျိုးသားအဖွဲ့ချုပ်/ရက္ခိုင့်တပ်တော် ULA/AA ဦးဆောင်ရေ အာရက္ခပြည်သူ့အစိုးရ၏ အာရက္ခပြည်သူ့ ရီးရာမူဝါဒနန့် စီမံအုပ်ချုပ်ရီးကျောင်းက ၂၀၂၄-၂၀၂၅ပညာသင်နှစ်အတွက် သင်တန်းသား/သူတိခေါ်ယူနီပါရေ။
၂။ ၁၈-၁၀-၂၀၂၃(အင်္ဂါ)
(၁)ကျောက်တော်မြို့နယ်၊လိပ်မကျေးရွာတွင် ပြီးခရေ စပ်တမ်ဘာ ၃၀ ရက်နိက စိတ်ဝေဒနာသျှင်အမျိုးသမီးတယောက် အဓမ္မပြုကျင့်ခံရခရရေဆိုပနာ အောက်တိုဘာ ၁၇ ရက်နိ၊မိုးထ ၁၀ နာရီ ၃၀ မိနစ်က အာရက္ခပြည်သူ့အစိုးရ၏ ကျောက်တော်မြို့နယ် ရဲတပ်ဖွဲ့မာ တိုင်တန်းထားပါရေ။
(၂) မြေပုံမြို့မာ ကားသမားတိဘားက မြန်မာစစ်တပ်သုံးဖို့အတွက် တရက်ကို လိုင်းကားနှစ်စီးကျစီပီးနီကတ်ရပါရေ။
(၃) ပေါက်တောမြို့နယ်၊ ကျောက်တောင်ရွာမာ အောက်တိုဘာ ၁၇ ရက်နိက အသက် ၇ နှစ်နန့် ၈ နှစ်အရွယ် အချေနှစ် ယောက်ကို တပြိုင်နက် မုဒိမ်းကျင့်ဖို ကြံစည်မှုဖြစ်ပွားခပါရေ။
၃။၁၉-၁၀-၂၀၂၃(ကြာသပတီး)
(၁)စစ်ကောင်စီက စစ်တွေအကျဉ်းထောင်မာ ကိုဗစ်ကာလ ၂၀၁၉ ခုနှစ်ကပင် ထောင်ဝင်စာတွိခွင့်ပိတ်ထားစွာရေ အဂုခါ ၄ နှစ်နီးပါးကြာလာပါရေ။
(၂) သူဌေးချောင်းရီအားလျှပ်စစ်စီမံကိန်းဧရိယာမာ ပါဝင်နီရေလိုဆိုပနာ လွန်ခရေ ၂ဝဝ၉ ခုနှစ်ကပင်ရွာလုံးကျွတ် ပြောင်းရွိခရရေ သံတွဲမြို့နယ်၊ မယ်ဝရွာမာ လက်ဟိ ၁၀ နှစ်ကျော်ကြာလာရေအထိလုပ်ကိုင်စားသောက်ဖို့အစားထိုး မြီနီရာမရသိမ့်ပါ။
(၃) ရက္ခိုင်က ဘုရားရင်ပြင်တိမာ မြန်မာစစ်တပ် တပ်စွဲထားစွာတိကို ဖယ်ယှားပီးဖို့ အောက်တိုဘာ ၁၇ ရက်နိက ဒေသခံတိတောင်းဆိုလိုပါရေ။
၄။ ၂၀-၁၀-၂၀၂၃ (သောကြာ)
မင်းပြားမြို့၊ မြန်မာစစ်တပ်တိုင်းဗဟို (၉) က အောက်တိုက်ဘာ ၁၉ ရက်ကနီ အောက်တိုဘာ ၂၀ ရက်နိအထိ နှစ်ရက် ဆက်တိုက လက်နက်ကြီးပစ်ခတ်မှုတိပြုလုပ်ခပါရေ။
၅။၂၁-၁၀-၂၀၂၃(စနီ)
(၁) ရက္ခိုင့်တပ်တော်နန့် ဆက်စပ်တေဆိုပနာ အကြမ်းဖက်မှုတိုက်ဖျက်ရီး ဥပဒေ ပုဒ်မ ၅၂(က)၊၅၂(ခ)နန့် တရားစွဲခံထား ရရေ ပလက်ဝမြို့နယ် တရွန်အိုင်ရွာက အောင်သိန်းမင်းနန့် ကျောက်တန်းရွာက တိုင်းရင်းသားဘာသာပြကျောင်းဆရာမ ဒေါ်ဘုမချေ ရို့ နှစ်ယောက်အမှုကို စစ်ကောင်စီ၏ မတူပီခရိုင်တရားရုံးတရားသူကြီး မဟိလို့ဆိုပနာ လုံးဝရုံးမထုတ်စွာ ၁ နှစ်ခွဲဟိနီယာလို့ သိရပါရေ။
(၂) အောက်တိုဘာ ၂၀ ရက်နိညည့်က စစ်တွေမြို့အဝင် မြန်မာစစ်တပ် ကျောက်တန်းစစ်ဆီးရီးဂိတ်မာ စစ်ဆီးမှု ကြန့်ကြာနီလို့ စစ်တွေမြို့နယ် ကြွီတဲပိုက်ဆိပ်ကြီးရွာက အသက် ၂၉ နှစ်အရွယ် ကိုယ်ဝန်ဆောင်အမျိုးသမီး မအဖြူလုံး( ခေါ်) ခင်ခင်လင်းစွာ ဆီးရုံသို့ အချိန်မီမရောက်နိုင်ခဘဲ လမ်းမာသီဆုံးလားပါရေ။
