
APM၊ အောက်တိုဘာ ၂၃ / ၂၀၂၃
ဒေနိ(အောက်တိုဘာ ၂၃ ရက်နိ) မိုးထက မြောက်ဦးမြို့နယ်၊ ခြီကြောသယ်မချောင်းမာ ဟွန်ဒါတစီးမှောက်လို့ အမျိုးသားတယောက် ပျောက်နီကြောင်းသိရပါရေ။
ပျောက်နီလူမာ မြောက်ဦးမြို့နယ်၊ ရွာသစ်ကေရွာက ဦးထွန်းမောင် (၅၇ နှစ်) ဖြစ်ပါရေ။
ဦးထွန်းမောင်စွာ ဒေနိမိုးထ ၉ နာရီကျော်လောက်က တရွာတည်းနီ ဦးမောင်စံဝင်းနန့်တတူ ဟွန်ဒါတစီးနန့် မြောက်ဦးမြို့နယ်၊ ပြိုင်းချရွာဟိ ကိုယ့်လယ်ကွင်းကိုအလား ခြီကြောသယ်မချောင်းဂေါက်ကွေ့မာ ဟွန်ဒါမှောက်လားခပါရေ။
ဟွန်ဒါမှောက်ခပြီးနောက် ဦးမောင်စံဝင်းမာ တဖက်ကမ်းသို့ အချိန်မှီရီကူးခတ်နိုင်ခကေလည်း ဦးထွန်မောင်ကိုတော့ လုံးဝရှာမတွိဘဲ ချောင်းထဲမာ ပျောက်လားခပါရေ။
လက်ဟိမာ ပျောက်နီရေ ဦးထွန်းမောင်ကိုရွာသားတိက ဝိုင်းဝန်းကူညီရှာဖွိနီကတ်ပြီးကေ အဂုထိ ရှာမတွိသိမ့်လို့ သိရပါရေ။

Please follow and like us: