APM ၊ အောက်တိုဘာ ၂၃ /၂၀၂၃
မြန်မာစစ်တပ် ရာဇတ်သတ်ကြီးဥပဒေပုဒ်မ ၅၀၅(က)နန့် တရားစွဲဆိုခံထားရရေ အသက် ၁၇ နှစ်အရွယ် ကျောက်ဖြူ လူငယ်တယောက်အမှုစွာ တနှစ်ကျော်ကြာလာရေအထိ အမိန့်မချနိုင်သိမ့်ဘဲ ကြန့်ကြာနီလို့ အယင်ဆုံးအမိန့်ချဖို့ မိသားစုဝင်တိက လိုလားနီကတ်ပါရေ။
တရားစွဲခံထားရရေ လူငယ်မာ ကျောက်ဖြူမြို့နယ်၊ လိပ်ခမော်ရွာက မောင်ဝေယံလင်း(၁၇ နှစ်) ဖြစ်ပါရေ။
မောင်ဝေယံလင်းစွာ ပြီးခရေ ၂၀၂၂ ခုနှစ်၊ ဂျူလိုင်လမာ ကျောက်ဖြူမြို့၊ စေတီတောင်ရပ်ကွက်က သူ့သူငယ်ချင်း တယောက်နန့်အတူ မြန်မာစစ်တပ်အဖမ်းခံခရပါရေ။
နောက်ပိုင်း သူငယ်ချင်းဖြစ်သူကို ပြန်လွှတ်ပီးခကေလေ့ မောင်ဝေယံလင်းဖုန်းမာ လက်နက်ကိုင်ဓါတ်ပုံ တိတွိရလို့မြန်မာစစ်က ဗိုလ်ရဲသက်ဇော် တရားလိုလုပ်ပနာ သူ့ကို ပုဒ်မ ၅၀၅(က)နန့် အမှုဖွင့်တရားစွဲထားခစွာပါ။
မောင်ဝေယံလင်းစွာ လက်ဟိ ကျောက် ဖြူမြို့မရဲစခန်း အချုပ်ကနီအမှုရင်ဆိုင်နီစွာဖြစ်ပြီးကေ အမှုစွာ တနှစ်ကျော်ကြာလာရေအထိ အပြီးမသတ်နိုင်သိမ့်ဘဲ ကြန့်ကြာနီရပါရေ။
