အသင်းသားများအနီနန့် အပြောင်းအလဲမလုပ်နိုင်လျင် အောင်မြင်မှုရလိမ့်မည်မဟုတ်ဟု မန်ယူနည်းပြ ပြော
APM ၊ ဂျန်နဝါရီ ၂၃ / ၂၀၂၃
မန်ယူအသင်းသည် ညည့်ခါက ကဇတ်ခသည့် အာဆင်နယ်နန့်ပွဲတွင် ၃ ဂိုး ၂ ဂိုးဖြင့် ယှုံးနိမ့်ခပြီး၊ မန်ယူအသင်းသား များအနီနန့် အပြောင်းအလဲမလုပ်နိုင်လျင် အောင်မြင်မှုရလိမ့်မည်မဟုတ်ဟု နည်းပြတန်ဟက်ဂ်က ပြောဆိုလိုက် သည်။
“ကဇတ်သမားတိအနီနန့် ဆုဖလားရယူချင်ကေ စိတ်ဓာတ်တိကို လုံးဝပြောင်းလဲပစ်ရဖို့” ဟု နည်းပြတန်ဟက်ဂ် က ဆိုသည်။
ညဇာက အာဆင်နယ်နန့် ကဇတ်ခသည့် ပွဲတွင် မန်ယူအသင်းသည် ပထမပွဲချိန် ၁၇ မိနစ်တွင် မန်ယူဘယ်တောင်ပံ ကဇတ်သမား ရပ်ချ်ဖို့ဒ်က ၁ ဂိုးသွင်းယူခပြီး၊ ပွဲချိန် ၅၉ မိနစ်တွင် နောက်ခံလူ မာတီနက်ဇ်က နောက်ထပ် ၁ ဂိုးသွင်း ယူခသည်။
အာဆင်နယ်အသင်းအနီနန့် ပွဲချိန် ၂၄ မိနစ်တွင် ၁ ဂိုး၊ ပွဲချိန် ၅၃ မိနစ်တွင် ၁ ဂိုး၊ ပွဲချိန် မိနစ် ၉၀ တွင် ၁ ဂိုး စုစုပေါင်း ၃ ဂိုး သွင်းယူခသည်။
လက်ဟိတွင် မန်ယူသည် ပရီးမီးယားလိဂ်အမှတ်ပီးဇယား တတိယနီရာ၌ ရပ်တည်နီပြီး အာဆင်နယ်နန့် ၁၁ မှတ်ကွာဟနီကြောင်း သိဟိရသည်။
Source – Erik ten Hag warns Man United players ‘you can’t win trophies’ unless things change following Arsenal loss
Photo-TEAMtalk
