APM၊စပ်တမ်ဘာ ၂၂ / ၂၀၂၃
မြောက်ဦးမြို့၊ ကျောက်ရာဇ်ကေ လမ်းနားမှာ ဒေနိ(စပ်တမ်ဘာ ၂၂ ရက်နိ)ညဇာ ၇ နာရီ ၁၀ မိနစ်လောက်က စစ်ကောင်စီရဲကားတိုက်လို့ ကျောင်းသူတယောက် ပြင်းပြင်းထန်ထန် ဒဏ်ရာရလားကြောင်း သိရပါရေ။
ဒဏ်ရာရလားရေကျောင်းသူမှာ မြောက်ဦးမြို့နယ်၊ ဘာညိုရွာက Grade -12 ကျောင်းသူ မလှမြင့်စိုး (၁၈ နှစ်) ဖြစ်ပါရေ။
မလှမြင့်စိုးစွာ မြောက်ဦးမြို့၊ ကျောက်ရာဇ်ကေရပ်ကွက်ဟိ ဘော်ဒါဆောင်တခုမာနီထိုင်ပြီးကေ ကျောင်းတက်နီစွာဖြစ်ပါရေ။
ဒေနိညဇာ ၇ နာရီ ၁၀ မိနစ်လောက်က မလှမြင့်စိုးစွာ သူနီထိုင်ရာ ဘော်ဒါဆောင်ကနီ မုန့်ဝယ်ဖို့ ထွက်လားခါ မြောက်ဦးမြို့မရဲစခန်းက ထွက်လာရေ ရဲကားတစီးက ဝင်တိုက်ပစ်ခစွာလို့ မျက်မြင်ဒေသခံတိကပြောပါရေ။
ကားတိုက်ခံရမှုကြောင့် မလှမြင့်စိုးမာ ခန္ဓာကိုယ်အနှံ့ဒဏ်ရာတိ အပြင်းအထန်ရလားခပြီးကေ မြောက်ဦးပြည်သူ့ ဆီးရုံကြီးမာ အရေးပေါ်လူနာအဖြစ် ဆီးကုသမှုခံယူနီရရေလို့ သိရပါရေ။
