APM ၊ ဧပြီ ၂၂ / ၂၀၂၄
မောင်တောမြို့နယ်မာ ဧပြီ ၂၁ ရက်နိက မပေါက်ကွဲဘဲကျန်နီခရေ စစ်ကျန်ဗုံးသီးတလုံးကို ကောက်ယူပနာ ထုကဇတ်ကတ်ရာက ပေါက်ကွဲမှုဖြစ်ပြီးကေ အချေ ၂ ယောက် သီဆုံးလားရေလို့ သိရပါရေ။
သီဆုံးလားရေအချေတိစွာ မောင်တောမြို့နယ်၊သရက်တောင်အုပ်စု၊ အဘူဂျာရွာက အပ်ဒူရော်ဟိမ်း( ၆နှစ်)နန့် ဒေါ့လာဘီ (၇နှစ်)ရို့ ဖြစ်ကတ်ပါရေ။
သူရို့ ၂ ယောက်စွာ ဧပြီ ၂၁ ရက်နိ၊ နိခင်းပိုင်းအချိန် ရွာနားက လယ်ကွင်းပြင်မာ မပေါက်ကွဲဘဲ ကျန်နီခရေ စစ်ကျန် ဗုံးသီးတလုံးကို ကောက်ယူပနာ ထုကဇတ်ခကတ်ရာ ပေါက်ကွဲမှုဖြစ်ခရေလို့ ရွာသားတိက ပြောပါရေ။
ယင်းဗုံးသီးပေါက်ကွဲမှုကြောင့် အချေနှစ်ယောက်စလုံးစွာ နီရာမာပင် ဂွင်ချင်းသီဆုံးလာရေလို့ ဆိုပါရေ။
ကုန်ခရေ ဧပြီ ၁၃ ရက်နိကလည်း စစ်ကောင်စီပစ်ထားခပြီး မပေါက်ကွဲဘဲကျန်နီခရေ လက်နက်ကြီးကျည်တလုံးကို အချေတိ ဝိုင်းထုပနာ ကဇတ်ရာ ပေါက်ကွဲမှုဖြစ်ပြီးကေ မောင်တောမြို့နယ်၊ တမန်းသားရွာက အချေ ၇ ယောက် ဒဏ်ရာရလားခပါသိမ့်ရေ။
