
APM ၊ ဧပြီ ၂၂ / ၂၀၂၃
ဒေရက်ပိုင်းအတွင်း နိအပူချိန်မြင့်တက်လာသည့်အပြင် သောက်ရီယှားပါးလာ၍ ပုဏ္ဏားကျွန်းမြို့နယ်ဟိ ကျေးရွာတချို့၌ နွားများသီဆုံးမှုဖြစ်ပွားနီကြောင်း သိရသည်။
ပုဏ္ဏားကျွန်းမြို့နယ်၊ ငှက်ကြီးကျွန်း၊ အလယ်ချောင်း၊ ဒိုးတန်းကျေးရွာရို့တွင် နွားများသီဆုံး ဖြစ်ပေါ်နီခြင်းဖြစ်သည်။
လက်ဟိ၌ နိအပူချိန်မြင့်တက်နီသည့်အပြင် အဆိုပါကျေးရွာများဟိ သောက်သုံးရီကန်းများ လေ့ ခမ်းခြောက်နီပြီး သောက်ရီ ယှားပါးလာကာ နွားများမှာ မသန့်ယှင်းသည့်ရီများကို အဆမတန် သောက်သုံးနီရ၍ နွားများအားပြတ် သီဆုံးရခြင်းဖြစ် ကြောင်း ရွာသားများက ပြောသည်။
ဧပြီ အစပိုင်းမှကာ လက်ဟိအချိန်ထိ ငှက်ကြီးကျွန်း၊ အလယ်ချောင်း၊ ဒိုးတန်းကျေးရွာစသည့်ကျေးရွာများတွင် နွားအကောင်ရေ ၁၀ နီးပါး သီဆုံးခပြီးဖြစ်ကာ တခြားကျေးရွားများတွင်လေ့ သီးဆုံးမှုများဟိသည်ဟု ဆိုသည်။
ရက္ခိုင်ပြည်မြို့နယ်အသီးသီးဟိ ကျေးရွာများတွင် ဒေရက်ပိုင်အတွင်း အပူချိန်မြင့်တက်မှုများလာသည့်နန့်အမျှ သောက်သုံးရီကတ်များလေ့ ခမ်းခြောက်လာပြီး သောက်သုံးရီမလုံလောက်မှုနန့် ရင်ဆိုင်ကြုံတွိနီရကာ ကျွဲ၊နွားများ သီဆုံးဖြစ်ပေါ်လျက်ဟိကြောင်း သိသိရပါသည်။
