APM ၊ ဧပြီ ၂၂ / ၂၀၂၃
အာဆင်နယ်သင်းသည် အိမ်ကွင်း၌ ဆောက်သမ်တန်ကို ၃-၃ ဂိုးနန့်သရေကျပြီးနောက် ပရီးမီးယား လိဂ်ချန် ပီယံဆုအတွက် ဖိအားများဖြင့်ရင်ဆိုင်နီရချိန် နည်းပြအာတီတာက ကဇတ်သမားများ၏ စရိုက်အားချီးမွှမ်း ပြော ဆိုကာ မန်စီးတီးနန့်ပွဲကို အကောင်းဆုံးရင်ဆိုင်ကဇတ်လားမည်ဟု ပြောကြားလိုက်သည်။
အာဆင်နယ်သည် ဧပြီ ၂၁ ရက်နိ ပရိးမီးယားလိဂ်ပွဲစဥ် (၃၂)တွင် ဆောက်သမ်တန်ကို သရေကျခပြီးနောက် ၎င်းရို့ သည် သုံးပွဲဆက်တိုက် သရေထပ်ကျခရကာ ရမှတ် ၉ မှတ်တွင် ၃ မှတ်သာရဟိခပြီး ဒုတိယနီရာမှ မန်စီးတီး၏ ဖိအားပီးမှုကို ခံနီရသည်။
အာတီတာက “မန်စီးတီးနန့်ပွဲကကျနော်ရို့အတွက် အရေးပါရေပွဲစဥ်ပါ။ယေဇူးနန့် အီတီဟက်မှာမန်စီးတီးကို အနိုင် ယူဖို့ အကောင်းဆုံးယှဥ်ပြိုင်ကဇတ်လားပါဖို့” ဟု ပြောဆိုခသည်။
ယင်းအပြင် ၎င်းက “ ဒေနိပွဲမှာ ကျနော့်ကဇတ်သမားတိ စိတ်ဓာတ်နန့်စရိုက်တိကို မြင်ခရပါရေ။ ဒေလူငယ်တိစွာ စိတ်ဓာတ်တိပြင်းပြပနာ ပြိုင်ဖက်ကောင်းနန့် ကြုံလာချိန်ဆိုကေ မယုံနိုင်လောက်အောင် တုံ့ပြန်မှုတိကောင်းပါရေ” ဟု ဆိုသည်။
အာဆင်နယ်သည် လိဂ်ဖလားရယူရန် ရာသီအစမှာရီပန်း စားနီခကေလေ့ လက်ဟိတွင်မန်စီးတီးထက် ၂ ပွဲ ပိုကဇတ်ထားပြီးရမှတ် ၇၅ မှတ်နန့် ဦးဆောင်နီကာ ဧပြီ ၂၆ ရက်နိတွင် ၎င်းရို့အတွက် အရေးပါသည့် ပွဲတပွဲအဖြစ်မန်စီးတီး အိမ်ကွင်းသို့ လားရောက်ယှဥ်ပြိုင်ရမည်ဖြစ်သည်။
Source – Arteta says he will face the match against Manchester City best
Photo – Sky Sports
