APM၊ အောက်တိုဘာ ၂၁/၂၀၂၂
ပလက်ဝမြို့တွင် အောက်တိုဘာ ၂၀ ရက်နိ၌ ပညာရီးဝန်ထမ်းတယောက်အပါအဝင် မြို့ခံ ၂ ယောက်ကိုစစ်ကောင်စီတပ်ဖွဲ့ဝင်များမှဖမ်းဆီးလားကြောင်း သိရသည်။
အဖမ်းခံရသူ ၂ ယောက်မှာ ပလက်ဝမြို့အထက(၁) ကျောင်းမှအထွေထွေလုပ်သား ဦးအောင်သိန်းလှနန့် သာယာဝရပ်ကွက်မှ ဦးမောင်ဖြူ ရို့ဖြစ်ကတ်သည်။
သူရို့နှစ်ယောက်ကို အောက်တိုဘာ ၂၀ ရက်နိ ညည့် ၉ နာရီအချိန်ခန့်၌ ပလက်ဝအခြီစိုက် စစ်ကောင်စီတပ် ခလရ(၂၈၉) တပ်ရင်းမှ စစ်ကောင်စီတပ်ဖွဲ့ဝင်များကသူရို့၏နီအိမ်အသီးသီးသို့ဝင်ရောက်ဖမ်းဆီး ခခြင်းဖြစ်သည်။
ယင်းအထဲမှ ဦးမောင်ဖြူကို ဖမ်းဆီးချိန်တွင် အိမ်တန်းခါးဖွင့်ပီးချိန်နောက်ကျသည့်အတွက် သမီးဖြစ်သူနှစ်ယောက်အားရိုက်နှက်၊ကန်ကျောက်ခကြောင်း သိရသည်။
ကုန်ခသည့် အောက်တိုဘာ ၁၈ရက်နိကလေ့ ပလက် ဝမြို့၊ မြို့သစ်အထက(ခွဲ)ကျောင်းမှ ကျောင်းအုပ် ဆရာကြီး ဦးကျော်ဝင်းနိုင်ကို စစ်ကောင်စီတပ်ဖွဲ့ဝင်များက ဖမ်းယူလားခသိမ့်သည်။
လက်ဟိတွင် ယင်း ၃ ယောက်စလုံးကို ခလရ(၂၈၉) တပ်ရင်း၌ချုပ်နှောင်ထားပြီးပြင်းပြင်းထန်ထန် ရိုက်နှက်စစ်ဆီးနီကြောင်း သိရသည်။
