APM ၊ ဩဂတ်စ် ၂၁ /၂၀၂၃
ဘူးသီးတောင်မြို့နယ်၊စေတီတောင်စစ်ဖီးယှောင်စခန်းတွင် လက်ဟိ၌ နီထိုင်စားသောက်ရီးအကြီးအကျယ် ဆိုးဝါးနီ ကြောင်း သိရသည်။
ယင်းစစ်ဖီးယှောင်စခန်းတွင် အိမ်ထောင်စု ၁၇၂ စုနန့် လူဦးရေ ၈၂၁ ယောက် နီထိုင်လျက်ဟိသည်။
အဆိုပါ စခန်းဟိ စစ်ဖီးယှောင်အများစုမှာ နိစားအလုပ်လုပ်ကိုင်နီကတ်ရလူများဖြစ်ပြီး လက်ဟိအလုပ်အကိုင်ယှားပါးနီ၍ အကြီးအကျယ် အခက်ကြုံနီကတ်ရကြောင်း စစ်ဖီးယှောင်များက ပြောသည်။
ယင်းစခန်းသို့ မုန်တိုင်းတိုက်ပြီးနောက်ပိုင်းမှစ၍ အရေးပေါ်အကူညီလာရောက် ပီးအပ်သည်များလည်း နည်းပါးနီသည့် အပြင် လက်ဟိကုန်ဈီးနှုန်းများ အဆမတန်မြင့်တက်နီကာ မိသားစုများသူများဆိုလျှင် စားနပ်ရိက္ခာများ ပြတ်လပ်လျက် ဆိုးဆိုးဝါးဝါးအခက်ကြုံနီကတ်ရသည်ဟုဆိုသည်။
စေတီတောင်စစ်ဖီးယှောင်စခန်းအပါအဝင် Mocha ဆိုင်ကလုန်းမုန်တိုင်းကြောင့် ယာယီနီအိမ်အများအပြားပျက်စီးခရသည့် ရက္ခိုင်ပြည်မြို့နယ်အသီးသီးဟိ မုန်တိုင်းသင့် စစ်ဖီးယှောင်များမှာ လက်ဟိ ကူညီကယ်ဆယ်ရီး အထောက်ပံ့ရဟိမှုနည်းပါး နီကာ ပြန်လည်ထူထောင်ရီး အခက်ကြုံနီကတ်ရကြောင်းသိဟိရသည်။
