APM၊ သြဂတ်စ် ၂၁ /၂၀၂၃
ဧရာဝတီ ၊ညောင်တုန်းမြို့နယ်၊လေးလွန်းပင်ကျေးရွာဟိ ကားလမ်းမကြီးထက်တွင် သြဂတ်စ် ၂၀ ရက်နိ၊ နိခင်းခင်းပိုင်းက သစ်ခွဲသားများတင်ဆောင်လာသည့် ကားတစီး အဟိန်မထိန်းနိုင်ဘဲ တိမ်းမှောက်မှုဖြစ်ကာ ၃ ယောက်သီဆုံးလားကြောင်း သိရသည်။
သစ်များတင်လာသည့် Nissan ကုန်တင်ကားတစီးသည် ညောင်တုန်းမြို့နယ်၊လေးလွန်းပင်ကျေးရွာဟိ မိုင်တိုင်အမှတ် ၃၈/၂ နန့် ၃၈/၃ ကြားတွင် အဟိန်မထိန်းနိုင်ဘဲ တိမ်းမှောက်ခခြင်းဖြစ်သည်။
ကားတိမ်းမှောက်မှုအတွင်း သစ်တင်ကားတွင် ပါလာသည့် လူ ၃ ယောက်မှာ ပွဲချင်းပြီး သီဆုံးခကြောင်း ညောင်တုန်းမြို့နယ် အခြီစိုက်လူမှုကူညီရီးအသင်းဝင် တယောက်က ပြောဆိုသည်။
အဆိုပါ သီဆုံးလူရုပ်အလောင်းများအား မျိုးဆက်သစ်လူမှုကူညီရီးအသင်းနန့် ညောင်တုန်းကြက်ခြီနီအသင်းရို့မှ ချောင်းကြီးတိုက်နယ်ဆီးရုံသို့ ပို့ဆောင်ပီးခကြောင်း သိဟိရသည်။
Photo – မျိုးဆက်သစ်လူမှုကူညီရီးအသင်း
Please follow and like us:
