APM ၊ ဂျူလိုင် ၂၁ / ၂၀၂၃
အိန္ဒိယနိုင်ငံ၊ မဟာရပ်ချ်ထရာပြည်နယ်၊ ရိုက်ဂါးခရိုင်ဟိ ရွာတရွာ၌ ဂျူလိုင် ၂၀ ရက်နိက တောင်ကုန်းမြီပြိုကျမှုကြောင့် လူ ၁၆ ယောက်သီဆုံးပြီး လူ ၁၀၀ လောက် အပျက်အစီးကြားတွင် ပိတ်မိနီကြောင်း သိရသည်။
မြီပြိုကျမှုအတွင်း ၁၀၃ ယောက်ကိုကယ်တင်နိုင်ခပြီး ထိခိုက်ဒဏ်ရာရဟိသူ ၂၁ ယောက်ကို ဆီးရုံသို့ပို့ထားသည်။
မြီပြကျမှုသည် ဂျူလိုင် ၁၉ ရက်နိ၊ ညည့် ၁၁ နာရီလောက်ကစ၍ မိုးပြင်းပြင်းထန်ထန် ရွာသွန်းပြီးနောက် နောက်ဆက်တွဲ ဖြစ်ပေါ်လာခြင်းဖြစ်ပြီး လူနီအိမ် ၁၇ လုံးထက်မနည်း မြီစာပုံအောက် နစ်မြုပ်လားခသည်ဟု ဒေသခံများက ဆိုသည်။
ပြည်နယ်အစိုး၏ အမျိုးသားသဘာဝဖီးတုံ့ပြန်ရီးတပ်ဖွဲ့ (NDRF) က ကယ်ဆယ်ရီးလုပ်ငန်းများကို ဆောင်ရွက်နီပြီး ပြည်နယ်ဖီးအန္တရာယ်တုံ့ပြန်ရီးတပ်ဖွဲ့ (SDRF) ကလေ့ မြီတူးခြင်းနန့် ကယ်ဆယ်ရီးလုပ်ငန်းများတွင် ကူညီဆောင်ရွက်နိုင်ရန် ကယ်ဆယ်ရီးသမား ၁,၀၀၀ ကို တာဝန်ပီးအပ်ထားသည်။
အိန္ဒိယဝန်ကြီးချုပ် မိုဒီသည် ဂျူလိုင် ၂၀ ရက်နိတွင် အခင်းဖြစ်ပွားရာနီရာသို့ လားရောက်ကာ သီဆုံးသူများ၏ မိသားစုများကို ရူပီးငွေ ၅ သိန်း ထောက်ပံ့ပီးအပ်ခကြောင်း သိရသည်။
အိန္ဒိယပြည်ထဲရီးဝန်ကြီးဌာန၏ အချက်အလက်များအရ အိန္ဒိယတွင် ဂျူလိုင် ၁၀ ရက်နိမှ ၂၀ ရက်နိအတွင်း ရီကြီးမူကြောင့် အနည်းဆုံး လူ ၁၂၅ ယောက်သီဆုံးခပြီး မြီပြိုခြင်းနန့် မိုးကြိုးပစ်ခြင်းများကြောင့် အနည်းဆုံး လူ ၈၀ ကျော် သီဆုံးခကြောင်း သိဟိရသည်။
Source – 16 dead, 100 missing as hilltop crashes into Maharashtra village/ Hindustan Times
Photo Hindustan Times
