APM ၊ မေ ၂၁ / ၂၀၂၃
မုန်တိုင်းကြောင့် တရွာလုံးနီးပါးပျက်စီးလားခရသည့် ကျောက်တော်မြို့နယ်၊ အပေါက်ဝရွာတွင် လက်ဟိ၌ စားဝတ် နီရီး အခက်ကြုံနီကတ်ရကြောင်း သိရသည်။
ယင်း အပေါက်ဝရွာတွင် အိမ်ခြီ ၁၀၀၀ ကျော်ဟိပြီး မုန်တိုင်းကြောင့် အိမ် ၁၂၉ ဆောင် လုံးဝပြိုပျက်လားကာ ကျန်အိမ် များအားလုံး ခေါင်မိုးများ ပွင့်ထွက်လားသည်။
နီအိမ်များ လုံးဝပျက်စီးလားသည့် ရွာသားများမှာ လက်ဟိဘုန်းကြီးကျောင်းတွင် ခိုလှုံနီကတ်ရကာ တပတ်ကျော်ကြာ လာသည့်တိုင် ကူညီကယ်ဆယ်ရီးများလာရောက်ပီးအပ်ခြင်းမဟိသိမ့်၍ အခက်အခဲဖြစ်နီ ကတ်ရကြောင်း ရွာသားများ ကပြောသည်။
ယင်းအပြင် နီအိမ်များ လုံးဝပြိုပျက်လားသူများတွင် စားသောက်ရန် စုဆောင်းထားသည့် ဆန်စပါးများလေ့ မုန်တိုင်းကြောင့် ပျက်စီးလားရ၍ လက်ဟိ၌ ရိက္ခာပြတ်လပ်နီသည်ဟုဆိုသည်။
မေ ၁၄ ရက်နိတိုက်ခတ်ခသည့် Mocha ဆိုင်ကလုန်းမုန်တိုင်းကြောင့် ရက္ခိုင်ပြည်မြိုနယ် အများ စု၌ နီအိမ်များ၊ စာသင် ကျောင်းများ၊ ဆီးရုံ၊ ဆီးခန်းများအပါအဝင် အဆောက်အအုံ အများအပြားမှာ ပျက်စီးခရ သည်။
ယင်းအပြင် ရက္ခိုင်ပြည်ဟိမုန်တိုင်းဒဏ်ခံခရသည့် ကျေးရွာအများစုမှာလေ့ စားဝတ်နီရီးအခက်အခဲနန့်ရင်ဆိုင်နီ ကတ်ရ ကြောင်း သိဟိရသည်။
Photo – ABN
