APM ၊ ဧပြီ ၂၁ / ၂၀၂၃
မကွေးတိုင်း၊ရေစကြိုမြို့ သုခဝတီရပ်ကွက်၌ ပြီးခသည့် ဧပြီ ၂၀ရက်နိ၊ မိုးထသား အရက်မူးလာလူတယောက်က ကိုယ်နီသည့်အိမ်ကို အရက်မူးမူးနန့် မီးတိုက်ရာ ဘေးနားအိမ်များအပါအဝင် အိမ် ၃လုံးမီးလောင်ပြာကျလားခပြီး မီးတိုက်လူလေ့မီးလောင်၍ သီဆုံးလားခကြောင်းသတင်း ရဟိသည်။
မီးလောင်သီဆုံးလားသူမှာ ရေစကြိုမြို့၊အမှတ်(၈)သုခဝ တီရပ်ကွက်မှ အသက် ၄၇နှစ်အရွယ် ဦးဖိုးဝင်းဖြစ်သည်။
ဦးဖိုးဝင်းသည် ဧပြီ ၂၀ရက်နိ၊ မိုးထ ၁၀ နာရီလောက်ကပင် အရက်မူးနီပြီး သုခဝတီရပ်ကွက်မှ သူ့အိမ်ကိုသူ မီး တိုက်ရာ အိမ် ၃ လုံးမီးလောင်ကျွမ်းခရပြီး သူလေ့မီးထဲဝင်ပါကာ မီးလောင်ကျွမ်း၍ သီဆုံးလားခသည်။
ယင်းနောက် မီးကို မိုးထ ၁၁နာရီလောက်မှာ ငြိမ်းသတ်နိုင်ခပြီး သက်ဆိုင်ရာက မီးလောင်မှုနန့်ပတ်သက်၍ အရေး ယူဆောင်ရွက်လျက်ဟိကြောင်း သိရသည်။
Photo – DVB
Please follow and like us:
