
APM ၊ ဖေဖော်ဝါရီ ၂၁ / ၂၀၂၃
ရီးရဲလ်မက်ဒရစ်အသင်းနန့်ပွဲစဉ်တွင် မိမိ၏စွမ်းရည်ကို သက်သီပြလားမည်ဟု လီဗာပူးတိုက်စစ်မှူး ဂတ်ပိုက ပြောဆိုလိုက်သည်။
လီဗာပူးအသင်းသည် ဒေနိ(ဖေဖော်ဝါရီ ၂၁ ရက်နိ)ညည့် ၂ နာရီခွဲတွင် ချန်ပီယံလိဂ် ၁၆ သင်းအဆင့် ပထမအကျော့အဖြစ် ရီးရဲလ်မက်ဒရစ်အသင်းကို အိမ်ကွင်း၌ ရင်ဆိုင် ကဇတ်မည်ဖြစ်သည်။
“ချန်ပီယံလိဂ်က ကဇတ်သမားတိုင်း ဝင်ကဇတ်ချင်ရေ ပြိုင်ပွဲပါ။ ဒေနိကဇတ်ဖိုပွဲက ကျနော့်အတွက် ကြီးမားရေစိန်ခေါ်မှု တခုဖြစ်ပါရေ။ ယင်းအတွက်နန့်လေ့ ကျနော် စိတ်လှုပ်ယှားနီပါရေ။ ဒေပိုင်ပွဲမျိုးမှာ ကျနော့်အနီနန့် အကောင်းဆုံးကဇတ်နိုင်ရေဆိုစွာကို သက်သီပြလားပါဖို” ဟု ဂတ်ပို ကဆိုသည်။
ယင်းအပြင် လီဗာပူးအသင်းအနီနန့် ရီးရဲလ်နန့်ကဇတ်မည့်ပွဲစဉ်အတွက် အဆင့်သင့်ဖြစ်နီကြောင်း၊အထူးသဖြင့် အိမ်ကွင်းမှာကဇတ်ရမည်ဖြစ်သဖြင့် အနိုင်ယူပြီး နောက်တဆင့်တက်ရောက်လားမည်ဖြစ်ကြောင်းလေ့ ဂတ်ပို က ပြောကြားခသိမ့်သည်။
အသက် ၂၃ နှစ်အရွယ် ဂတ်ပိုသည် ပြီးခသည့် ဂျန်နဝါရီလက PSV အသင်းကနီ လီဗာပူးအသင်းသို့ ရောက်ဟိလာပြီး၊ လီဗာပူးအသင်းအတွက် ၅ ပွဲကဇတ်ရာ ၂ ဂိုးသွင်းယူထားသည်။
Source – Liverpool forward Cody Gakpo ‘really wants to prove point’ against Real Madrid
Photo – BBC
