APM ၊ ဖေဖော်ဝါရီ ၂၁ / ၂၀၂၃
တူရကီ-ဆီးရီးယားတွင် ပြင်းအား ၇ ဒသမ ၈ အဆင့်ဟိ ငလျင်လှုတ်ခတ်ခပြီးနှစ်ပတ်အကြာ ဖေဖော်ဝါရီ ၂၁ နိတွင် ပြင်းအား ၆ ဒသမ ၃ အဆင့်ဟိ ငလျင်တစ်ခု ထပ်မံလှုတ်ခတ်ခပြီး လူ ၃ ယောက်သီဆုံးကာ ၃၀၀ကျော် ထိခိုက် ဒဏ်ရာရဟိခကြောင်း သိရသည်။
တူရကီပြည်ထဲရီးဝန်ကြီး Suleyman Soylu က ငလျင်လှုပ်ခတ်မှုအတွင်း လူ ၃ယောက်သီဆုံးကာ လူ ၂၁၃ ယောက် ဒဏ်ရာရဟိခကြောင်း အတည်ပြုပြောကြားသည်။
ယင်းအပြင် အိမ်နီးချင်း ဆီးရီးယားအနောက်မြောက်ပိုင်းတွင်လေ့ ဒဏ်ရာရသူ ၁၃၀ ကျော်ဟိကြောင်း အရပ်ဖက်ကာကွယ်ရီးအဖွဲ့အစည်း White Helmets မှ ပြောဆိုထားသည်။
အဆိုပါငလျင်သည် ဆီးရီးယားနန့် မြီထဲပင်လယ်အနား တူရကီနိုင်ငံ တောင်ဘက်စွန်းဟိ ဥဇင်ဘတ်မြို့ကို ဗဟိုပြု၍ လှုတ်ခတ်ခခြင်းဖြစ်သည်။
တူရကီ-ဆီးရီးယားတွင် ကုန်ခသည့်ဖေဖော်ဝါရီ ၆ ရက်နိက လှုတ်ခတ်ခသည့် ပြင်းအား ၇ ဒသမ ၈ အဆင့်ဟိ ငလျင်ကြောင့် လူပေါင်း ၄၅,၀၀၀ နီးပါးသီဆုံးခကြောင်းလေ့ သိဟိရပါသည်။
Source – New quake hits battered Turkey, Syria; 3 dead, hundreds hurt
Photo – AP
