APM ၊နိုဗမ်ဘာ ၂၁ / ၂၀၂၃
ဒေနိ (နိုဗမ်ဘာ ၂၁ ရက်နိ)နိခင်း ၁၁ နာရီ ၁၅ မိနစ်ကနီ ၁၁ နာရီ ၂၈ မိနစ်အထိ စစ်ကောင်စီတပ်၏ MIG-35ရဟတ်ယာဉ် တစင်းစွာ ပုဏ္ဏားကျွန်းမြို့နယ်က ဘဲခိုး၊ မာန်အောင်သား၊ ကြိမ်ချောင်း၊ မှင်းဇီချောင်း အစဟိရေ ရပ်ရွာတိကို စက်သီနတ်တိနန့် တရစပ် ပစ်ခတ်ခပါရေ။
ဒေသခံအရပ်သားပြည်သူတိက အချိန်မီ ထွက်ဗြီးတိမ်းယှောင်နိုင်ခရေအတွက် ပြည်သူတိကိုတော့ အထိအခိုက်တစုံတရာ မဟိခလို့သိရပါရေ။
ရက္ခိုင်မာ ရက္ခိုင့်တပ်တော်AAနန့် စစ်ကောင်စီတပ်ရို့တိုက်ပွဲဖြစ်ပြီးနောက်ပိုင်း စစ်ကောင်စီတပ်စွာ အရပ်သားပြည်သူတိနီထိုင်ရေ ရပ်ရွာတိကို လက်နက်ကြီး၊လက်နက်ချေတိနန့် ရည်ရွယ်ချက်ဟိဟိပစ်ခတ်နီရေပိုင် အရပ်သားပြည်သူတိ သီဆုံး၊ ထိခိုက်ဒဏ်ရာရမှုတိ၊ အိုးအိမ်အဆောက်အအုံပျက်စီဆုံးယှုံးမှုတိ ရက်ပြတ်ဆိုပိုင် ဖြစ်ပွားနီပါရေ။
Please follow and like us:
