APM၊ စပ်တမ်ဘာ ၂၀/၂၀၂၃
နယူးကာဆယ်အသင်းနည်းပြချုပ် အက်ဒီဟောင်း က အေစီမီလန်အသင်း နန့် ချန်ပီယံလိဂ်ပွဲမာ ဂိုးမဟိသရေကျခပြီးနောက် ကဇတ်သမားတိ၏စွမ်းဆောင်ရည်ကို ချီးကျူး ပြောဆိုပါရေ။
စပ်တမ်ဘာ ၁၉ ရက်နိညည့်က အေစီမီလန်အိမ်ကွင်းမာ ကဇတ်တေ ယင်းပွဲမာ အေစီမီလန်အသင်းဖက်က ဂိုးပေါက် ခြိမ်းခြောက်မှုတိ အကြိမ်ကြိမ်ပြုလုပ်နိုင်ခကေလေ့ နယူးကာဆယ်ခံစစ်နန့် ဂိုးသမား နစ်ပုတ် ရို့၏ လက်စွမ်းပြမှုတိကြောင်း သရေရလဒ်ထွက်ပေါ်ခစွာဖြစ်ပါရေ။
“ဒေပိုင် သရေရလဒ်က ကံကောင်းလို့ ကျခစွာမဟုတ်ပါ။ ကျနော့်ရို့အသင်း၏ ခံစစ်ကဇတ်သမားတိ နန့် ဂိုးသမား လက်စွမ်းပြမှုကြောင့် ဖြစ်ပါရေ။ အဝီးကွင်းမာ ဒေပိုင်စွမ်းဆောင်နိုင်ရေ ကျနော့် ကဇတ်သမားတိကို ချီးကျူးပါရေ” လို့ အက်ဒီဟောင်းက ဆိုပါရေ။
နယူးကာဆယ်အသင်းစွာ ချန်ပီယံလိဂ်အုပ်စုမာ အင်အားကြီးအသင်းတိဖြစ်တေ အေစီမီလန်၊ ပီအက်စ်ဂျီ၊ ဒေါ့မွန်အသင်းရို့ နန့် တအုပ်စုတည်းကျနီပါရေ။
လာဖို့ အုပ်စုပွဲစဉ် (၂) မာတော့ နယူးကာဆယ်အသင်းစွာ အိမ်ကွင်းမာ ပီအက်စ်ဂျီအသင်းကိုလက်ခံ ကဇတ်ရဖို့ဖြစ်ပါရေ။
Source – Joe Cole insists Eddie Howe will be ‘absolutely delighted’ after Newcastle grind out a draw against AC Milan i/Daily Mail
Photo – The Telegraph
