APM ၊ စပ်တမ်ဘာ ၂၀ / ၂၀၂၃
စပါးအသင်း၏ ခရိုအေးသျှားနောက်ခံကဇတ်သမား အိုင်ဗန် ပါရီဆစ်စွာ ညာဖက်ဒူးအရွက်ဒဏ်ရာရလားလို့ ရာသီကုန်အထိ အနားယူရဖွယ်ဟိကြောင်း ကလပ်အသင်းက (ဒေနိ) စပ်တမ်ဘာ ၂၀ ရက်နိမာ ပြောကြားပါရေ။
“ပါရီဆစ်စွာ လိကျင့်ရီးကွင်းမာ ဒဏ်ရာရဟိခရေအတွက် ခွဲစိတ်ကုသမှုခံယူလားရပါဖို့။ လက်ကျန်ရာသီအတွက် ပါဝင်နိုင်ဖို့ မသေချာပါလို့” စပါးက ထုတ်ပြန်ချက်မာ ဖော်ပြထားပါရေ။
ပြီးခရေနှစ်က အင်တာမီလန်ကနီ စပါးကိုရောက်လာရေ အသက် ၃၄ နှစ်အရွယ် ပါရီဆစ်စွာ ဒေဂုရာသီမာ စပါးအတွက် ပြိုင်ပွဲစုံ ၆ ပွဲ ပါဝင်ကဇတ်ထားပြီး ဂိုးဖန်တီးမှု(၂)ကြိမ်ပြုလုပ်ထားပါရေ။
စပါး စွာ ဒေရာသီ ပရီးမီးယားလိဂ် ၅ ပွဲကဇတ်ပြီးချိန် ရမှတ် ၁၃ မှတ်နန့် အမှတ်ပီးဇယား ဒုတိယနီရာမာ ရပ်တည်နီပနာ လာဖို့တလင်းဂနီနိ အာဆင်နယ် နန့် ရင်ဆိုင်ကဇတ်ရဖို့ ဖြစ်ကြောင်း သိရပါရေ။
Source-Tottenham’s Ivan Perisic suffers ACL injury in training – AP News
Photo-Reuters
