APM ၊ စပ်တမ်ဘာ ၂၀ / ၂၀၂၃
အာသျှအားကဇတ်ပြိုင်ပွဲ AFC Cup ယူ-၂၃ အုပ်စုအဖွင့်ပွဲမာ ကူဝိတ်ကို ၉ ဂိုးပြတ် နန့် အနိုင်ရဟိခကေလေ့ လာဖို့ပွဲတိမာ သူရို့အသင်းအနီနန့် ခက်ခက်ခဲခဲရင်ဆိုင်ရဖို့လို့ တောင်ကိုးရီးယားနည်းပြ ဟွမ်ဆန်းဟောင်က ပြောကြားပါရေ။
စပ်တမ်ဘာ ၁၉ ရက်နိညည့်က စတင်ကဇတ်ခရေ AFC Cup ၂၀၂၃-၂၄ အုပ်စုအဖွင့်ပွဲစဉ်မာ အုပ်စု (E) က တောင်ကိုရီးယားအသင်းစွာ ကူဝိတ်အသင်းကို ၉ ဂိုးပြတ်နန့် အနိုင်ရဟိခစွာ ဖြစ်ပါရေ။
“ကျနော်ရို့ အဖွင့်ပွဲကို ကြီးကြီးမားမား ရလဒ်နန့် အနိုင်ရခပါရေ။ ယေဒါလေ့ လာဖို့ပွဲတိ ခက်ခဲပနာ ပြင်းထန်ရေ စိန်ခေါ်မှု တိလည်း စောင့်ကြိုနီပါရေ။ ဒေပွဲကယုံကြည်မှုတိယူပြီးကေ ပိုကြိုးစားရပါဖို့ လို့ နည်းပြ ဟွမ်ဆန်းဟောင် က ဆိုပါရေ။
တောင်ကိုရီးယားအသင်းစွာ နောက်ထပ်ပွဲစဉ်အဖြစ် စပ်တမ်ဘာ ၂၁ ရက်နိမာ ထိုင်းအသင်း နန့် ဆက်လက်ယှဉ်ပြိုင်ရဖို့ ဖြစ်ပါရေ။
တရုတ်နိုင်ငံက အိမ်သျှင်အဖြစ်ကျင်းပနီရေ AFC Cup ပြိုင်ပွဲမာ အုပ်စု (၆) စုပါဝင်ပြီး ၁၆ သင်းယှုံးထွက်အဆင့်သို့ အုပ်စုဗိုလ်ပထမ၊ ဒုတိယသင်းတိနန့် အကောင်းဆုံးတတိယ ၄ သင်းတက်ရောက်နိုင်ဖို့ ဖြစ်ပါရေ။
Source- South Korea must stay grounded after thrashing Kuwait, says coach/Reuters
Photo- Yonhap News
