
APM၊ စပ်တမ်ဘာ ၂၀/ ၂၀၂၃
တရုတ်နိုင်ငံအရှိပိုင်းမာ လီဆင်နှာမောင်းတိုက်လို့ လူ ၅ယောက် သီဆုံးပနာ လူ ၄ ယောက် အပြင်းအထန် ထိခိုက်ဒဏ်ရာရဟိလားကြောင်း နိုင်ငံပိုင်မီဒီယာက ဒေနိ(စပ်တမ်ဘာ ၂၀ရက်နိ)မာ ဖော်ပြပါရေ။
လီဆင်နှာမောင်းစွာ ကျန်စုပြည်နယ်၊ စုချီအန်းမြို့မာ စပ်တမ်ဘာ ၁၉ ရက်နိ၊ ညဇာ ၅ နာရီကျော်က တိုက်ခစွာလို့ ဆိုပါရေ။
အဆိုပါလီဆင်နှာမောင်းတိုက်ခတ်မှုကြောင့် လူသီဆုံးဒဏ်ရာရမှုအပြင် နီအိမ် ၁၃၇ လုံးပျက်စီးခပြီးကေ သီးနှံစိုက်ခင်း တချို့နန့် မွီးမြူရီးခြံတချို့လည်း ပျက်စီးခပါရေ။
တရုတ်နိုင်ငံမာ လီဆင်နှာမောင်းတိုက်ခတ်မှုရေ ကြုံတောင့်ကြုံခဲဖြစ်ကေလေ့ မကြာသိမ့်ရေနှစ်တိအတွင်း ကျန်စု ပြည်နယ်မာ လူသီဆုံး ဒဏ်ရာရမှုတိ ဖြစ်ပေါ်ခပါရေ။
ကုန်ခရေ ၂၀၂၂ ခုနှစ်က ကျန်စုပြည်နယ်မာ လီဆင်နှာမောင်းတိုက်လို့ လူ ၁ယောက်သီဆုံးပနာ လူ ၂၅ ယောက်လောက် ထိခိုက် ဒဏ်ရာရဟိခပြီးကေ ၂၀၂၁ ခုနှစ်ကလည်း ၄ယောက်သီဆုံးခပနာ ဟူပေပြည်နယ်၊ ဝူဟန်မြို့မာလည်း လူ ၈ ယောက် သီဆုံးခပါရေ။
Source – Tornado kills 5 people in eastern China
Photo AFP
