APM ၊ ဧပြီ ၂၀ / ၂၀၂၄
ကျောက်ဖြူမြို့နယ်မာ ဒေနိ(ဧပြီ ၂၀ ရက်နိ)၊မိုးထစောစောက အကြမ်းဖက်စစ်ကောင်စီတပ်ထောင်ထားရေ မိုင်းကိုနင်းမိလို့ ဒေသခံတယောက် ခြီတဖက်ပြတ်ထွက်လားရေလို့ သိရပါရေ။
ခြီတဖက်ပြတ်ထွက်လားလူစွာ ကျောက်ဖြူမြို့နယ်၊ ဂုံးချွိန်တိုက်နယ်၊ နှမ်းဖဲတောင်ရွာက ဦးလူဖြူ (၆၂နှစ်) ဖြစ်ပါရေ။
ဦးလူဖြူစွာ ဒေနိမိုးထ ၆ နာရီခွဲလောက်က ဂုံးချွိန်တိုက်နယ်၊ မင်းတက်တောင်ရွာ၊ ညောင်တိန်တောင်အနားမာဟိရေ ၎င်း၏လယ်တဲသို့ လားစွာမာ င/မောင်းတောင်တောလမ်းအလယ်တည့်တည့်မာ အကြမ်းဖက်စစ်ကောင်စီတပ်ထောင်ထားရေ မိုင်းကို နင်းမိပနာ ပေါက်ကွဲမှုဖြစ်ခစွာလို့ ဒေသခံတိကပြောပါရေ။
အဆိုပါမိုင်းပေါက်ကွဲမှုကြောင့် ဦးလူဖြူ၏ ဘယ်ဖက်ခြီ ဒူးဆစ်အောက်က ပြတ်ထွက်လားခပြီးကေ၊ ညာခြီ ထောက်မာလည်း မိုင်းစထိမှန်ပနာ ထိခိုက်ဒဏ်ရာရလားရေလို့ ဆိုပါရေ။
လက်ဟိ ဦးလူဖြူစွာ အရေးပေါ် ဆီးကုသမှုခံယူနီရရေလို့ သိဟိရပါရေ။
Please follow and like us:
