APM ၊ ဧပြီ ၂၀ / ၂၀၂၃
အမေရိကန်နန့်မက္ကဆီကိုရို့သည်လာမည့်၂၀၂၇ခုနှစ်အမျိုးသမီးကမ္ဘာ့ဖလားပြိုင်ပွဲကိုပူးတွဲအိမ်သျှင်အဖြစ်လက်ခံကျင်းပခွင့်ရဟိရီးအတွက် ဧပြီ ၁၉ ရက်နိက ကမ္ဘာ့ဘောလုံးအဖွဲချုပ် (ဖီဖာ) သို့ အဆိုတင်သွင်းခ ကြောင်းသိရသည်။
အမေရိကန်ဘောလုံးအဖွဲချုပ် (USSF) နန့် မက္ကဆီကိုဘောလုံးအဖွဲ့ချုပ် (FMF) သည် ၎င်းရို့၏ ‘လီလံသဘောတူ ညီချက်’ ဖြင့် တရားဝင်တင်သွင်းရန် မေလ ၁၉ ရက်နိအထိအချိန်ဟိသည်ဟု ဆိုသည်။
အမေရိကန်သည် ၁၉၉၉ ခုနှစ်တွင် အမျိုးသမီးကမ္ဘာ့ဖလားကို အိမ်သျှင်အဖြစ် လက်ခံကျင်းပခပြီး၊ မက္ကဆီကို ကတော အိမ်သျှင်အဖြစ်လက်ခံကျင်းပခြင်း မဟိသိမ့်ကြောင်းသိရသည်။
ဒေဂုနှစ် ၂၀၂၃ အမျိုးသမီးကမ္ဘာ့ဖလားပြိုင်ပွဲကိုတော ဩစတြေီးယား နန့် နယူးဇီလန်ရို့က ပူးတွဲအိမ်သျှင်အဖြစ် လက်ခံကျင်းပမည်ဖြစ်သည်။
၂၀၂၆ အမျိုးသားကမ္ဘာ့ဖလားပြိုင်ပွဲကိုတော့ မက္ကဆီကို၊ အမေရိကန်နန့် ကနေဒါရို့က ပူးတွဲအိမ်သျှင်အဖြစ် လက်ခံကျင်း ပမည်ဖြစ်သည်။
Source – US and Mexico to submit bid to co-host 2027
Photo – Front Row Soccer
