APM၊ မာ့ချ် ၂၀ /၂၀၂၄
ပုဏ္ဏားကျွန်းမြို့နယ်မာ မာ့ချ် ၁၈ ရက်နိ၊ နိခင်းပိုင်းက အကြမ်းဖက်စစ်ကောင်စီ ၏ လက်နက်ကြီးပစ်ခတ်မှုကြောင့် အပြစ်မဲ့ပြည်သူ နှစ်ယောက် ဒဏ်ရာ ပြင်းပြင်းထန်ထန် ရလားကြောင်း သိရပါရေ။
ဒဏ်ရာရလားလူတိစွာ ပုဏ္ဏားကျွန်းမြို့နယ်၊ စပါးထားရွာက ဦးမောင်ထွန်းသိန်း (၄၂ နှစ်) နန့် ဦးလှသိန်းထွန်း( ၅၃ နှစ်)ရို့ဖြစ်ကတ်ပါရေ။
မာ့ချ် ၁၈ ရက်နိ မွန်းတည့် ၁၂ နာရီအချိန်လောက်မာ အကြမ်းဖက်စစ်ကောင်စီ၏ စစ်တွေမြို့အခြီစိုက် ရဲတပ်ရင်း (၁၂) က ပစ်လိုက်တေ လက်နက်ကြီးစွာ စပါးထားရွာထဲသို့ ကျရောက် ပေါက်ကွဲခပြီးကေ ယင်းလက်နက်ကြီးကျည် ကျရောက်ပေါက်ကွဲမှုကြောင့် ဦးမောင်ထွန်းသိန်း၏ ခြီထောက် ၂ ဖက်စလုံး ပြတ်ထွက်လားခရပြီးကေ ဦးလှသိန်းထွန်း မာလည်း ခန္ဓာကိုယ်အနှံ့ ပြင်းပြင်းထန် ထန် ဒဏ်ရာ ရလားရေလို့ ရွာသားတိကပြောပါရေ။
လက်ဟိမာ ဦးမောင်ထွန်းသိန်းနန့် ဦးလှသိန်းထွန်းရို့စွာ နီးစပ်ရာ ဆီးရုံသို့ အရေးပေါ် ပို့ဆောင်၊ ဆီးကုသနီရရေလို့ သိရပါရေ။
