APM ၊ ဖေဖော်ဝါရီ ၂၀ / ၂၀၂၃
ရက္ခိုင်ပြည်တွင် ဒေနှစ်တက္ကသိုလ်ဝင်တန်းစာမိန်းပွဲကို မြို့ထက်စာစစ်ဌာနများ၌သာ လားရောက်ဖြေဆိုရမည်ဖြစ် ၍ ငွေကြေးမတတ်နိုင်သည့် နယ်မှကျောင်းသား/ကျောင်သူများမှာ အခက်အခဲဖြစ်နီကတ်ကြောင်း သိရသည်။
ရက္ခိုင်တွင် ဒေနှစ်တက္ကသိုလ်ဝင်တန်းစာမိန်းဖြေဆိုမည်ကျောင်းသား/ကျောင်းသူဦးရေသည် အယင်နှစ်ကထက် လျော့ကျလား၍ နယ်များဟိ စာစစ်ဌာနများကိုလျော့ချလိုက်ကာ မြို့ထက်တွင် စာစစ်ဌာန ၆၈ ခု ဖွင့်လှစ်စစ်ဆီး လားမည်ဟု ရက္ခိုင်ပြည် ပညာရီးရုံးမှ သိရသည်။
ယင်းသို့ မြို့ထက်စာစစ်ဌာနများ၌ လားရောက်ဖြေဆိုရမည်ဆိုပါက မြို့နယ်အသီးသီးမှ ငွေကြေးမတတ်နိုင်သည့် အခြီခံလက်လုပ် လက်စား မိသားစုများထဲမှ ကျောင်းသား/သူများမှာ ငွေကြေးအရအခက်အခဲဖြစ်နီကတ်ရကြောင်း ကျောင်းသား/သူ မိဖများက ပြောသည်။
ရက္ခိုင်ပြည်မှာ ကုန်ခသည့် ၂၀၂၂ ခုနစ်က တက္ကသိုလ်ဝင်တန်းစားမိန်းပွဲဝင်ရောက်ဖြေဆိုသူ (၄၁၀၀၀)ကျော်ဟိခပြီး ဒေနှစ်(၂၀၂၃ခုနှစ်)တွင် စာမိန်းပွဲဝင်ရောက်ဖြေဆိုသည့် ကျောင်းသား/သူဦးရေ ၁၉၁၆၅ ယောက်ဝင်ရောက်ဖြေဆို မည်ဖြစ်ကာ လာမည့် မာ့ချ် ၈ ရက်နိမှ ၁၈ ရက်နိအထိ ၁၀ ရက်ကြာ စစ်ဆီးလားမည်ဖြစ်ကြောင်း သိဟိရသည်။
